Salima:Dɔɣisaɣisi
Azindoo mini Azima ni bɛ bapira daa bela Tinkurugu. Bɛ bapira maa yuli n-daa nyɛ Biɛhigutɔ. Yɛlimaŋli, bihi ŋɔ daa dii ka niŋgbuna ka bi lahi waɣiwaɣa. Bɛ daa bɔri ni bɛ baŋ yɛlli kam din kɔɣiri ka bihira bɛ ya maa ni.
Dahinshɛli, ka dɔɣisaɣisi karachinima daa kana nti baŋsiri ba dɔɣisaɣisi ni viɛli shɛm. Bɛ ni daa di ba alizama ŋɔ n-naai, Biɛhigutɔ ŋun daa dii taɣila o nuhi ayi n-deei li ka yɛli ni di viɛla. M ba Shinikadoliba ŋun dii tahi, “Dɔɣisaɣisi bi viɛla. Afulofuu! Kavuni! Ti yaannima daa dɔɣirila pampam. Lala zuɣu ka bɛ daa mali jilima maa. Bihi pam dɔɣibu daa lahi tibigiri ba mi. Ka wula ka zuŋɔ ka yi ti yɛri ti ŋ-ŋɔ yɛltɔɣa? Naawuni gaafara, mani ku saɣi. Mani malila paɣabaata ni bihi pinaayi ka na yɛn dɔɣi pahi. Dama m bɔri ni m bihi ti galisi pam m be m puuni n-kɔra.
Dina n-nyɛ Biɛhigutɔ yɛli ban zaa be laɣiŋgu maa ni, ‘Ӡemani sooŋa, ӡemani baa n-gbaari o. Ti yaannima saha maa, bɛ ӡemani n-daa bala. Paliti daa benimi ka bɛ kɔra. Lala zuɣu ka bɛ daa dɔɣiri pampam maa. Zuŋɔ paliti dibaala m-beni ka ti yɛn ko? Bɛ zaŋ li m-mɛ yanima zaa. Lihimi ya ŋɔ feera duri mini Gɔmnanti tuma duri din beni ŋɔ zaa, di shɛli daa kani bɛ saha maa. Hali ban daa nya Shikuru chandi ka di nyɛla daba bini, asheela dina n-nyɛ dunia furila. Dina n-yihiri nira zimsim mini ӡilinsi ni. Dinzuɣu pa dɔɣibu pam maa n-nyɛ li amaa lihibu n-gari. A yi zaŋ bia n-kpɛhi shikuru, ala ka yɛn di n-niŋ o kariŋ ni? Tuuli, o shikuru yɔri ni o dibu ni a ni yɛn zaŋdi o tahiri shikuru shɛm. Di zaa nyɛla laɣ’dibo.
O yɛltɔɣa ŋɔ daa che ka Azindoo mini Azima yɛli: “Yɛlimaŋli ti gba nyɛla shikuru bihi, pa liɣiri biɛla ka ti laamba diri niŋdi ti shikuru ni. Dini yɛn che ka ti nyu ninneesim kom ka nyuhi ba”.
Bachi biɛlima mali niŋ
Karimi salinli shɛli din be zuɣusaa ŋɔ ka booi di bachi gahinda gbuna ni. Lɛbigim lala bachi gahinda ŋɔ silimiinsili ni n niŋ a kundi sabirili puuni.
Bɔhisi mali niŋ
Labisim bɔhisi ꬼɔ viɛnyɛliꬼga 1. Tiŋ’ dini ka lahibali maa yɛri ŋɔ? 2. Bihi maa bɔ n-nyɛ Biɛhigutɔ? 3. Bɔ n-lee nyɛ dɔɣisaɣisi? 4. Wuhimi ŋahili din be lahibali maa ni. 5. Sabimi dɔɣisaɣisi daanfaani dibaayi n-sɔŋ.