Salima:Bia Yuli Tibu Dolodolonima Adiini Ni
Azima mini Azindoo nyɛla niri ni o nyɛli ka kuli doli taba n-chɛni luɣilikam bɛ ni bɔri ni bɛ chaŋ. Di daa niŋ daliri ka bɛ bahi shikuru bahibu din daŋ tooni yuuni puuni. Dahishɛli ka bɛ ba daa tim ba ni bɛ chaŋ tiŋ’shee n-ti ti suuna nti o. Tiŋa maa yuli n daa booni Sokamya. Cheechinima daa be tiŋa maa ni pam. Suuna maa daa nyɛla dolodolo suuna. Bɛ ni daa kuli paai ka bɛ nya ka m ba pasita Paul mini o nyandoliba pun laɣim m-pali sambani ka viili kani. Dundɔŋ daa palimi n-tabili sambani. Ka bɛ daa chaŋ n-ti zani dolodolonima maa sani ni bɛ nya dinkam yɛn kɔɣi ka bihi.
Bɛ ni daa zaya maa, ka bɛ nya ka dolodolonima maa yili yila n-naai ka suhi Naawuni. Di nyaanga ka bɛ ti bia maa yuli Wuntima. Paɣidɔɣiso maa mini o yidana daa ʒimi m baɣi taba. Ka biliɛɣu maa yabpaɣa gbubi o. M ba pasita Paul waazu puuni Azindoo mini o biɛli Azima daa baŋya ni dolodolonima paɣa yi dɔɣi, doo maa mini paɣa maa paɣiri Naawuni pini shɛli O ni ti ba maa zuɣu. Doo maa bɔrila bindir’ shɛŋa din yɛn che ka bihim niŋ ka bia mɔɣi.
Pasita Paul waazu maa daa lahi wuhi, ni doo mini o paɣa n-laɣindi m-piiri yuya n-tiri bɛ bihi. Bɛ zaŋdi anabinima mini Yisa masia nyaandoliba yuya, nti pahi bɛ kaya yu’suma n-tiri bɛ bihi. Bia ba mini o ma n-zaŋdi yuli maa n-chani nti tiri jɛma duu toon’ dana ka pii dabisili shɛli yuli maa ni yɛn ti. Jɛmbu duu bee yiŋa ka bɛ tiri bihi yuya.
Bia yuli bolibu dali, pasita ŋun nyɛ toondana maa ni bɔhi doo maa mini o paɣa bɔhisi zaŋ kpa bia maa wubisibu polo. Dimbɔŋɔ nyaaŋa, bɛ ni suhi Naawuni n-ti bia maa mini o laamba zaa. Bɛ yi naai, bɛ tiri bia laamba pina.
Azima mini o tizo Azindoo ni daa yi suuna maa ni n-kuna, ka Azindoo yɛli “hmmmmm, a shee lala ka dolodolonima niŋdi bɛ suuna fa. Di be di ko ka che Musulinsi mini ti kaya puuni bɛ ni niŋdi shɛm.
Bachi biɛlima mali niŋ
Karimi salinli shɛli din be zuɣusaa ŋɔ ka booi di bachi gahinda gbuna ni. Lɛbigim lala bachi gahinda ŋɔ silimiinsili ni n niŋ a kundi sabirili puuni.
Bɔhisi mali niŋ
Labisim bɔhisi ꬼɔ viɛnyɛliꬼga 1. Bilɛɣu maa yuli lee nyɛla wula lahibali maa ni? 2. Pasita maa yuli nyɛla wula? 3. Bolimi dolodolo yuya anahi; paɣaba mini dabba zaa yuya 4. A ni tooi baŋ Dagban yu’shɛŋa din lahi nyɛ dolodolo yuya?
Tuma mali niŋ
1. Wuhimi waliginsim dibaayi shɛli din be dolodolonima mini musulimnima suuna ni. 2. Wuhimi waliginsim dibaayi shɛli din be dolodolonima mini kayanima suuna ni. 3. Wuhimi yɛla ayi shɛli din ŋmani taba musulimnima mini dolodolonima suuna ni. 4. Wuhimi yɛla ayi shɛli din ŋmani taba dolodolonima mini kayanima suuna ni.