Iddrisu Adam
Alhaji Iddrisu Adam (bɛ mi o pam la Adam Yɔɣu) nyɛla ŋun daa nyɛ siyaasa nira n-yi Dagbaŋ na. O namin' nyɛ Tamale yaɣili diisi. Ŋuna n-lahi nyɛ na'so ŋun dir' tiŋ yuli booni Yɔɣu din be Tɔliŋ yaɣili la.[1][2][3]
| Paɣa bee doo | Doo  |
|---|---|
| O ya Tiŋgbaŋ | Ghana |
| Daŋ yuli | Adam |
| Dɔɣim Tiŋa | Yoɣu |
| Bala yɛlibu, sabbu bee buɣisibu | Silmiinsili, Dagbanli |
| Tuma | politician |
Piligu mali niŋ
Alhaji Adam nyɛla bɛ ni dɔɣi so tiŋ yuli booni Yɔɣu; di zuɣu ka bɛ booni o Adam Yɔɣu maa.
Shikuru Baŋsim mali niŋ
Alhaji daa pilila shikuru Yoggu L.A Primary School. 1958 ka o daa karim n-siɣisi nimaa ni ka daa tirisi n-chaŋ Tolon Middle Boarding School. 1968 ka o daa naai Tolon Middle maa.[4]
O daa nyɛla ŋun bɔhim karimba tali E.P Training College din be Bimbilla la. 1979 yuuni, Alhaji Adam Yɔɣu daa lahi chaŋ Ajumako n-ti tuɣi o karim baŋsim bobu. Ni ka o daa karim n-dee ''First Class Diploma'' shahira gbaŋ.[4]
Adam Yɔɣu daa lahi chaŋla University of Education din be Winneba la n-ti karim n-dee ''B. Ed English and Dagbani'' shahira gbaŋ 1996.[4]
O daa lahi chaŋ n-ti karim n-dee M.Ed (Management) shahira gbaŋ University of Cape Coast 2003 yuuni.[4]
Tuma mali niŋ
Adam Yɔɣu nyɛla karimba kuro. O daa wuhila shikuru shɛli be Tamale ka di yuli booni Kalipohini Junior High School. Odaa wuhula ni yuma ashɛm ka bɛ daa tahi o Tamale Metro Education Office n-ti lee karachi kpɛm' ŋun su Ghana yɛlitɔɣa ni kaya ni taada[5] (Ghanaian Language and Cultural Studies Coordinator). Din nyaanga, o tuma daa lahi tahi o Northern Region Eduction Office ka o ti lahi nyɛ lala yaɣili ŋɔ maa karachi kpɛma[6].[4]
O namin nyɛ zuɣulana zaŋ ti Gushegu yaɣili karim baŋsim bomma tuma du' shɛli bɛ ni booni Ghana Education Service la yuuni 1996 zaŋ chaŋ 1998.[4]
1999 hali ni 2000, Alhaji Adam n-daa nyɛ karimba kpɛma zaŋ ti Zabzugu Senior High School.[4]
O nyɛla ŋun daa lahi be siyaasa ni; o namin nyɛ diisi zaŋ ti Tamale Metro Assembly Tingbani zuɣulan' kuro J.A Kufour gomnanti ni 2002 hali ni 2004.[4]
ŋuna n-na nyɛ na'zuɣu zaŋ ti tiŋ yuli booni Yɔɣu din be Tɔliŋ yaɣili la.
O lahi nyɛla ŋun ŋma buku nima. Di shɛli n-nyɛ ''Traditional Dagbamba Marriage Forms And Customs".
Siyaasa mali niŋ
Alhaji Adam nyɛla ŋun be Wobigu Paati Tudu yaɣili saawara maaniba ni. O namin nyɛ diisi zaŋ ti Tamale Metro Assembly Tingbani zuɣulan' kuro J. A. Kufour gomnanti ni.[4]
Buku Shɛŋa O Ni Sabi mali niŋ
O sabi buku ka boli li ni Traditional Dagbamba Marriage Forms And Customs. Waato, o daa sabila lala buku ŋɔ n-jɛndi paɣa kpuɣibo soya ni nyɛ shɛm Dagbamba kaya ni taɣada ni. Silimiin' goli October yuuni 2015 ka o daa ŋma lala buku ŋɔ.[4]
Kpaŋmaŋ Pina mali niŋ
Kundivihira mali niŋ
- ↑ Yoggu is Tamale Municipal Chief Executive (en) (-001-11-30T00:00:00+00:00).
- ↑ Light Foundation Provides Yoggu Residents With Potable Water (en-US) (2021-05-31).
- ↑ Safianu, Fuseini (2021-06-03). Tolon : 1 village, 1 dam has made our water crisis worst - Yoggu chief bemoans » Ghana Dominance News (en-US).
- ↑ 4.00 4.01 4.02 4.03 4.04 4.05 4.06 4.07 4.08 4.09 Adam, Iddrisu (2015). Traditional Dagbamba Marriage Forms And Customs. Tamale. ISBN 1964-92-510-7 Check
|isbn=value: checksum (help). - ↑ Aryeh, Elvis (2002-05-06). Daily Graphic: Issue 148515, May 6 2002 (in English). Graphic Communications Group.
- ↑ Adam, Iddrisu (1997). Energy and Deforestation in Ghana: A Study of Woodfuel-deforestation Links in Rural Ghana (in English). National Library of Canada = Bibliothèque nationale du Canada. ISBN 978-0-612-16572-4.