Ghana

Gaana (Ghana Tinzuɣu), nyɛla tingban' shɛli din be Africa wulinluhili polo, ka di do teekunima ayi shɛŋa bɛ ni boli “Gulf of Guinea” mini “Atlantic Ocean (teeku mɔɣili)” yaɣili la. Tingbani ŋɔ yi zahim, di galisim nyɛla 238,535 km2 (92,099 sq m). Zaŋ kpa Ghana wulinluhili n-nyɛ Ivory Coast tiŋgbani, Burkina Faso bela Ghana nuzaa zuɣu,Togo zaŋ kpa di wulimpuhili polo "Gulf of Guinea" mini "Atlantic Ocean (teeku mɔɣili) mi zaŋ kpa di nudirigu polo. Soninke sili puni "Ghana" gbunni nyɛla "Sapashin' Naa".

Ghana

maŋsulinsi tiŋgbani, tingbani

Pahi la	West Africa, Africa, Economic Community of West African States, Sub-Saharan Africa
Di pilli ni	1957
Yu'maŋli	Ghana, Ghana, la République du Ghana, Gana tingbani
Zuliya wuhibu	Ghana, Gana, Gaana
Yu'ŋmaa	🇬🇭
Siɣili-lana yuli	Ghana Empire
Yu'gahindili	Ghanaian
Yɛltɔɣa din nyɛ tuma ni dini	Silmiinsili
Tiŋgbani silima	National Anthem of Ghana
Kali	culture of Ghana
Taachi sabbu	Freedom and Justice, Rhyddid a Chyfiawnder
Dunia yaɣili	Africa
Tiŋa	Ghana
Tinzuɣu	Ankara
Wakati luɣili	UTC±00:00, Africa/Accra
Be ni bee n pa kodoosheei zuɣu	Atlantic Ocean
Located in/on physical feature	West Africa
Tiŋgbaŋ yaɣili calinli	8°1′48″N 1°4′48″W
Coordinates of easternmost point	6°6′45″N 1°11′58″E
Coordinates of northernmost point	11°10′12″N 0°16′12″W
Coordinates of southernmost point	4°44′23″N 2°5′31″W
Coordinates of westernmost point	6°37′28″N 3°15′34″W
Highest point	Mount Afadja
Lowest point	Gulf of Guinea
Din nyɛ gɔmnanti nyolini	democracy
Office held by head of state	Ghana zuɣulana
Tiŋgban zuɣ'lana	Nana Akufo-Addo
Office held by head of government	Ghana zuɣulana
Tiŋgbani zuɣ'lana	Nana Akufo-Addo
Kpamba yaɣili	Ghana Gomnanti
Loo zalibu yaɣa	Parliament of Ghana
Central bank	Ghana baŋki
Tingbani liɣiri	Ghana nima liɣiri
Di tarisi ni	Burkina Faso, Ivory Coast, Togo
Duhubu yaɣili	right
Niɣilim buɣum polo puloku balishɛli	AC power plugs and sockets: British and related types, BS 1363
Taɣi	Dominion of Ghana, Gold Coast, British Togoland
Ŋun bɔhim ŋa nyɛ	Ghana studies
Lahabaya dundɔŋ din mali dihitabili	https://www.ghana.gov.gh/
Hasitagi	Ghana
Top-level Internet domain	.gh
Tuuta	Flag of Ghana
Coat of arms	coat of arms of Ghana
Geography of topic	geography of Ghana
Nahingbaŋ	free country
Taarihi bachikpani dalinli	history of Ghana
Open data portal	Ghana Open Data Initiative
Bibliography	bibliography of Ghana
Economy of topic	economy of Ghana
Demographics of topic	Ghana daadam-biɛlim kalinli
Mobile country code	620
Tiŋgbani boligu zalikpana	+233
Trunk prefix	0
Zuɣusaa zuɣusaa tangalimia lamba	999, 191, 192, 193
GS1 tiŋgbani code	603
Lansisi plati koodi	GH
Maritime lamba kalinli	627
Unicode bachinima	🇬🇭
Category for maps or plans	Category:Maps of Ghana

E-Class

Piligu

Tingbani shɛli din daa tuui be "Ghana" tiŋgbani ŋɔ puuni ʒemani piniyini la saha n-daa nyɛ Bono tingbani. Yuun' kɔbisi nyaaŋa, ka tingban' timsa kamani Dagbaŋ mini Kambɔnsi (Ashanti) tiŋgbana gba daa yina pahi. Zaŋ chaŋ yuun' kɔbisinahi nyaanga, Portugal n-ti pahi Silimiin' tiŋ' shɛŋa dabam niriba daa nyɛla ban daa kpaɣintiri lala gbansabila yaɣili ŋɔ zuɣu ni bɛ niŋdi daabiligu di ni. Lala n-daa kuli nyɛ li hali ni yuun' kɔbisinu nyaaŋa ka Britain Silimiinsi daa ti to n-di n-fa yaɣili maa fukumsi. Yuun' kɔbiga sunsuuni, yaɣa anahi; Gold Coast, Kambɔŋ Tiŋa polo, Tudu Yaɣa, n-ti pahi British Togoland daa nyɛla yaɣi kɔŋkɔba shɛŋa ŋan daa be Britain Silimiinsi sulinsi ni. Lala yaɣa ŋɔ daa nyɛla ban daa ti laɣim taba n-lee tinzuɣu m-pahi "Common Wealth" tinzuɣiri ni n-za di gama zuɣu, Silimiin' goli March dabaayɔbu dali yuuni 1957.

Ghana daadam biɛligu kalinli nyɛla bɛ ni buɣisi shɛli ka di paai miliyɔŋ pihita ni yini, ni tusa ayopɔin ni ayi ni kɔbisi wɔi ni pihinahi (31,072,940). Addiini mini zuliya gbaliŋ m-be Ghana tingbani ŋɔ ni. Zuliya kpana ŋan be Ghana puuni ni yɛri bali shɛŋa n-nyɛ: Dagbanli, Kambɔnsili , Guan, Aligbehili, Ankarasili, Zabaɣisili, Walsili, Farifarisili, Gbengbehili ni Nzemasili ka Silimiinsili lee nyɛ Gɔmnanti ni saɣi ti shɛli ni di tɔɣisiri li tuma duri mini shikuruti ni.

Ghana salo puuni, kɔbiga puuni vaabu pisopɔin ni yini ni pɔnchi ayi(71.2%) nyɛla Dolodolo Yisa nyaandoliba. Ban kpalim mi nyɛla Musulimnima ka bɛ mi nyɛ kobiga puuni vaabu pinaayopɔin ni pɔnchi ayɔbu(17.6%), ka buɣ'jamdiba mini ban kpalim la vaa pia ni yini(11%).

Ghana nyɛla tingbani shɛli din nyɛ demokiratiya tingbani. Di tiŋgbani zuɣulana n-nyɛ di toondana. Africa gbansabila tingbana puuni, Ghana n-daa nyɛ tiŋ' shɛli din daa tuui deei di maŋsulinsi Silimiinsi sani. Ghana tingbani toon' tibo la chɛmi ka di nyɛ tiŋgbani shɛli din mali yaa ni jilima pam West Africa tingbana ni. Ghana bela tiŋ' duya laɣinsi kamani Non-Aligned Movement, African Union, Economic Community of West African States (ECOWAS), Group of 24 (G24) n-ti pahi "Commonwealth of Nations".

Nyabli

Ghana bachi maa gbunni nyɛla Sapashinna-Naa. Kurumbunni nanima  wuhiya ni Ghana daa bɛla Africa wulinluhili polo.

Vihigu wuhiya ni Ghana daa na ka din yi pa be shɛli ŋɔ amaa ka daa bela tudu polo ŋɔ hali n-ti gbaai tiŋ' shɛli bɛ ni booni Guinea la. Ghana Salima galisim daa ku ŋmanila tankpaɣu ni ku be ti ʒilɛli ni shɛm maa, lala maa zuɣu,  Laribaawanima ban daa dɔli Sahara bopiɛligu maa n-niŋdi daabilim daa pali la yuli m-booni li Gold Coast.

Kurumbuni zuliyanima

Ghana daa bela tiŋgban' shɛŋa niriba nini ni daa tiɣi pam Bilad el-Sudan ni, andunia yuun tusawei. Vihigu wuhiya ni kurumbuna saha, Ghana daa pun beni mi. Ni Dagbamba n-daa su tudu polo maa ka Kambɔnsi mini bɛ ma bihi daa be Ghana sunsuuni ni di nyɔŋ ni.

Tiŋzuɣu

Aŋkara (Accra) n-nye Ghana tinzuɣu.

Maŋsulinsi deebu

Silimiingɔoi March dabaayɔbu dali, yuuni 1957 Gold coast (din yuli pa booni Ghana la) daa deela bɛ maŋsulinsi gbampiɛla nuuni. Ghana daa leela tingbani shɛli din pahi tinzuɣuri shɛŋa gbampiɛla ni daa mi n-su laɣiŋnu shɛli bɛ ni boli Commonwealth of Nations la, ka  Dr. Kwame Nkrumah daa gari tooni n-lee tiŋgbanizuɣulana n-daa yihi Ghana yuli palo ni ka dunia zaa baŋ di yɛla.

Ghana n-daa nyɛ tuuli gbansabila tiŋgbani shɛli ban daa deei bɛ maŋsulinsi gbampiɛla nuuni. Pɔi ka gbampiɛla daa ti deei Ghana n-su, Ghana daa nyɛla tiŋgbani shɛli din daa pun mali zuliya kara kamani Zabaɣisi (Gonja) mini Dagbamba ka bɛ be Ghana tudu yaɣili polo, Kambɔnsi (Ashanti),  Fantinima zaa daa malila tiŋgbana nti pahi ni tiŋ' shɛŋa din miri Teeku.

Tuuta daa nyɛla bini bɔ shɛli n-ti tiŋgbani palli ban daa na yɔli deei bɛ maŋsulinsi maa (Ghana). Ŋun daa buɣisi tuuta maa n-daa nyɛ Theodosia Salome Okoh. Tuuta maa daa mali kɔma ŋɔ di puuni; zaɣ' ʒee (red), zaɣ' dozim (gold color), zaɣ' vakahili(green) nti pahi sanŋmari' sabinli (black star) ka di be zaɣ' dozim maa sunsuuni. Zaɣ' ʒee maa zami n-ti ʒi' shɛli bɛ ni daa kpaai Ghana maŋsulinsi deebu ni la. Zaɣ' dozim maa mi zami  n-ti bun' shɛli tiŋgbani maa ni ʒira ka zaɣ' vakahili maa mi za n-ti tihi ni mɔ' shɛŋa tiŋgbani maa ni mali. Saŋmari' sabinli maa mi zami n-ti daadamanima ban be tingbani maani niŋgbuŋ kom ka lahi za n-ti gbansabila zaa (Africans).

Shikuriti

Ghana shikuru baŋsim so' chibsi pula buta zuɣu, ŋanima n-nyɛ Basic Education, Secondary cycle, ni Tertiary. Basic Education yaɣli ŋɔ niŋdila yuun' pia ni yini (di gbaala bihi ban nyɛ yuma anahi hali ni yuun' pia ni anu). Basic Education pubu ŋɔ gba yaɣa n-nyɛ kindergarten (yuma ayi), Primary school (pula buyi ka di zaa niŋdi yuma ata ata) ni Junior High (yuma ata). Junior High School ŋɔ bahigu mali zahimbu shɛli bɛ ni booni Basic Education Certificate Examination. Bia yi naagi BECE ŋɔ ka o gbana viɛla, o ni tuɣi o bɔhimbu Secondary cycle. To, bia mali piibu zaŋ chaŋ shikuru yaɣa ayi dini nyɛ Vocational Education (nuuni tuumbaŋsim) bee General education (baŋsim bɔbigu yaɣili din pa nuuni baŋsim). Senior high shikuru niŋdila yuma ata ka mali dahimbu shɛli bɛ ni booni West African School Certificate Examination (WASCE), ka di nyɛ di ni tu ni shikurubila mali di shɛhira dini viɛla ka naan yi tooi chaŋ nti niŋ University nti tuɣi o bohimbu.

Daadam biɛlim kalinli

Kaya

Ghana kaya nyɛla balibu din laɣim bɔhimbu mini dihi tabili Ghana zuliya balibu pam. Yuuni 2010 Ghana salo kalinli lahibali wuhiya ni zuliya shɛli ban galisi n-nyɛ Kambonsi ka bɛ vaabu yiɣisi pihinahi ni ayopɔi ni pɔnchi ata (47.3), Dagbamba vaabu piiya ni ayɔbu ni pɔnchi ayobu(16.6), Aligbenima vaabu piiya ni ata ni pɔnchi awoi (13.9),Aŋunanima vaabu apoin ni pɔnchi anahi (7.4), Gurimanima yiɣisi vaabu bunu ni pɔnchi ayopɔin (5.7) nti pahi Guan zuliya ka bɛ mi yiɣisi vaabu buta ni pɔnchi ayopɔin (3.7).

Dabisi gahinda ŋan be Ghana taarihi ni

1. March 6,1957 ka Ghana daa dee maŋsulinsi Eilimiinsi sani.
2. July 1,1960 ka Ghana daa leei Republic.
3. February 3,1964 ka Ghana daa kpalim paati yini Tingbani.
4. February 24,1966 ka soojanim ban toondana daa nyɛ Col. E. K. Kotoka daa ŋme m-paai Nkrumah paati gaŋ gomnanti.
5. August 31, 1970 ka Akuffo- Addo daa po pɔri ka leei Ghana zuɣulana Republic din pahiri ayi la ni.
6. January 13, 1972 ka linjimanima ban toondana daa nyɛ Lieutenant Colonel I.K. Acheampong daa ŋme m-paai gomnanti ka ʒini.
7. June 4, 1979 dabisili ŋɔ ka linjima ban toondana daa nyɛ Flight Lieutenant Jerry John Rawlings daa ŋme m-paai Acheampong gomnanti.
8. September 24, 1979 ka Dr. Hilla Limann daa po pɔri ka deei Ghana nam kuɣu ka di leei Republic din pahiri ata.
9. December 31, 1981 dabsili ŋɔ ka Flight Lieutenant J.J. Rawlings daa gari linjimanima tooni ka bɛ daa ŋme ka fa zuɣulaantali.
10. January 7, 1993 ka bɛ daa po Flight Lieutenant J.J.Rawlings pɔri ka o ʒini Ghana nam kuɣu zuɣu ka di daa leei Republic dini pahiri anahi.
11. January 7, 2001 Mr. John Agyekum Kufuor gba daa po pɔri ka leei Ghana zuɣulana.
12. July 1,2007 Ghana daa ŋma shiiri laɣ' pala.
13. January 7, 2009 ka Prof. John Evans Atta Mills daa po pɔri ka leei Ghana zuɣulana.
14. July 24, 2012 Prof. Evans Atta Mills daa kɔŋ o nyɛvuli.
15. July 24, 2012 dabisili ka bɛ daa po John Dramani Mahama(ŋuni n-daa nyɛ J.E.A. Mills wulana) pɔri ka o ʒini Ghana nam kuɣu zuɣu.
16. January 7, 2013 John Dramani Mahama daa lahi po pɔri dini daa niŋ ka o di nasara piibu-piibu din daa niŋ December 7, 2012 la ni.
17. January 7, 2017 ka Nana Addo- Dankwa Akufo- Addo daa po pɔri n-leei Ghana zuɣulana.
18. January 7, 2021ka Nana Addo- Dankwa Akufo- Addo daa lahi po pɔri n-leei Ghana zuɣulana mpahi buyi zuɣu.

Gbala nima

... (This will be overwritten by ListeriaBot) ...

End of auto-generated list.