Dagbaŋ
C-Class
Dagbaŋ nyɛla yaɣ' shɛli din be Ghana Tudu polo. Di niriba n-nyɛ Dagbamba. Ndan Yaa Naa n-nyɛ na' so ŋun su di fukumsi.[1][2][3][4]
Di Piligu
mali niŋTaarihi wuhiya ni Dagbaŋ daa pilila yuun' kurumbuna saha kamani "11th century". Dagbaŋ nyɛla Naa Gbɛwaa bihi puuni yino ŋun yuli daa booni Shitobu la ni daa zali shɛli.[1][4] Dagbamba n-nyɛ ban' galisi n-gari Gbewaa zuliya shɛŋa ŋan pahi zaa nangbanyini.[2]
Tohaʒee
mali niŋKurumbuna taarihi wuhiya ni Tohiʒee daa yila Lake Chad na n-ti zani Zanfara din be Nigeria la, n-yi ni kana ti kpe Mali tingbani ni. Lala tiŋ ŋɔ ni, daliri daa niŋmi ka bimbiɛɣu fa bɛ kuliga n-doya ka so n-ku tooi lahi miri li. Dinzuɣu kokpaɣu n-daa yɛn ku ba. Tohiʒee mi daa nyɛla bidib' kuŋ n-kuri binkɔb’ kpɛma ka mani gbuɣima, jɛŋgbuna, ni naɣ’ nyiya. O daa yihirila bɛ gbana maa; lala saha maa gbana maa ka bɛ daa mali n-niŋdi bɛ maŋ sitira n-liriti bɛ zaɣima.
Tohiʒee ni daa paai Mali, paɣakpɛm’ yiŋ' ka o daa kpe. Paɣakpɛm’ daa bi tooi ti o kom ka o nyu dama kokpaɣu din daa mali ba la zuɣu. Paɣ' kpɛma ŋɔ ni daa tɔɣisi Tohaʒee alɔbo din paai ba, o daa bɔhi baŋ kuliga maa ni be shɛli, n-daa chaŋ ti ku bingbaarigu maa, ka ŋma’ o zuli ka tooi kom na n-ti ti paɣakpɛma maa.
Yɛlli ŋɔ daa niŋ tiŋ naa mini o niriba nyaɣisim pam. Dinzuɣu tiŋ' naa maa daa ti o la paɣa. Paɣa maa yuli n-daa booni Paɣawabiga. Naa ŋɔ daa bɔrila o ni kuli yɛn niŋ shɛm ka bɛ mini Tohaʒee zuliya gari tab’ ni. Dama lala saha maa, bɛ daa zooya ka bɛ tuhiri tɔbiri n-fari tingbana.[1][2][5]
Kpuɣinumbo
mali niŋTohaʒee ni daa kpuɣi Paɣawɔbiga, bɛ daa dɔɣila bidibiga yuli booni Kpuɣinumbo. Kpuɣinumbo ni daa yiɣisina o daa kpuɣila paɣa ŋun yuli booni Sisabiga ka bɛ dɔɣi Nyɛrigili mini namʒishɛli. O daa lahi kpuɣi nabipuɣinga, Guruma polo tiŋ' yuli booni Biuŋ. Ŋuna n-daa pahiri Kpuɣinumbo paɣaba ayi. Ŋuna n-daa ɖɔɣi Gbewaa. Gbewaa mi n-daa dɔɣi Zirili, Fɔɣu, Kachaɣu, Tohigu, Shitobu, Ŋmantambo,Yɛmtɔri, Bɛsɔɣiyɛli, Shibekpɛma, Shibebila, Shibee, Beemɔni, ni ban pahi.
Kpuɣinumbo kalinsi nyaaŋa, Gbewaa daa zaŋla o mulichi ka bɛ chaŋ n-ti ʒini Pusuɣa; bɛ daa tila suɣa m-biɛni, dinzuɣu ka bɛ booni li Pusuɣa maa.[2] Naa Gbewaa bihi maa ni paɣa n-daa nyɛ kpɛma; o yuli n-daa booni Fatɛɣu, ka lunsi lee gɔligi li m-booni li Kachɛɣu. Zirili n-daa nyɛ bidibiga m-pa Kachɛɣu zuɣu, ka daa lee nyɛ paɣa kɔŋkɔba bihi. Kufɔɣu mini Kachɛɣu n-daa nyɛ paɣa yino bihi.[1][5]
Ŋmamprigu, Dagbaŋ ni Nanuŋ Piligu
mali niŋNaa Gbewaa kalinsi nyaaŋa, Zirili n-daa fa toon'tali maa. O kalinsi nyaaŋa, ka Tohigu yɛli ni ŋuna n-nye naa dama ŋuna n-kpalim Naa Gbewaa bidibiga ŋun nye kpɛma. Ka Shitobu mini ŋmantambo mi yɛli ni bɛ ku saɣi ti o ni dama Tɔhigu mini Zirili zaa nyɛla paɣa yino bihi, ni di zuɣu di tu ni nam maa labi bɛ gba dunoli ni na dama ka paɣa yino ko n-dɔɣiri gbuɣima ayi.
Yɛlli ŋɔ daa tahi nangban' kpeeni na Tohigu mini o tuzohi ŋɔ sunsuuni na, ka di zuɣu ti che ka bɛ tuhi taba hali ni Gambaaga n-ti woli wali taba. Shitobu daa chaŋ mi n-ti ʒini Yɔɣu din miri Diyɛli la n-kpa Dagbaŋ, ka o mabia' Ŋmantambo mi chaŋ n-ti ʒini Bimbila n-kpa Nanuŋ.
Shitobu Nyaaŋa, Naa Nyaɣisi n-daa di nam maa. Nyaɣisi n-daa kpa Yani Dabari; zuŋɔ din' n-nyɛ Yɔɣu Tolandi ŋɔ. Naa Nyaɣisi nyaŋa, Naa Dariʒiɛɣu n-daa di, n-ti kani ka Naa Luro deei Dagbaŋ. Naa Zoligu bia Luro n-daa zaŋ Yani Dabari n-labisi Kpunkpaan' tiŋa yuli daa booni Chari, zuŋɔ Naya ŋɔ.[1][2][5]
Dagbamba Mini Mohi
mali niŋNaa Gbewaa bipuɣinga ŋ̩un yuli daa booni Yɛntɔri n-daa chaŋ n-ti kuli Gurima doo yuli daa booni Riule ka bɛ dɔɣi bidibiga m-boli o Widraugo, ŋuna n-daa yiɣisina n-ti pili Mohi nam Waɣaduɣu. Ŋɔ zuɣu n-lahi che ka Mohi mini Dagbamba nyɛ dachɛhi maa. Mohi nyɛla paɣa bihi, ka Dagbamba mi nyɛ doo bihi.[1][2][5]
Di Tiŋ'zuɣu
mali niŋDi Daadam Biɛlim Kalinli
mali niŋDi Buni
mali niŋDagbaŋ nyɛla tiŋgbani shɛli din mali arizichi pam, dama a yi yuli binshɛŋa ŋan be n-ŋɔna maa pam beni ka a ku tooi lahi nya ŋa Ghana luɣushɛli yaha. Dagbaŋ nyɛla din dii ka aʒia kamani salima, petro[6][7] kpambirigu, teeku ni ŋan pahi kamani nyɔŋ polo ni mali li shɛm. Tɔ amaa di mini li zaa yɔli, di mali tingbani din tam mali kulim pam, ka di zuɣu che ka bindira pam niŋdi ni viɛnyɛla. Lala bindira maa shɛŋa n-nyɛ nyuli, kawana, ni shinkaafa.[3][8]
Tohiʒee ni daa paai Mali, paɣakpɛm’ yiŋ’ ka o daa kpe. Paɣakpɛm’ daa bi tooi ti o kom ka o nyu domii kokpaɣu din daa mali ba la zuɣu. Paɣakpɛm’ ŋɔ ni daa tɔɣisi Tohaʒee alobo din paai ba, o daa bohi baŋ kuliga maa ni be shɛli, n-daa chaŋ ti ku bingbaarigu maa, ka ŋma’ o zuli ka tooi kom na n-ti paɣakpɛma maa.
Dagbaŋ lahi nyɛla Naawuni ni baligi tihi din mali anfaani pam n-ti. Lala tihi ŋɔ shɛŋa n-nyɛ tuhi, taansi, dɔhi, gunsi, gahi, nyimsa, kuɣusi, ni ŋan pahi.
Di Bi'kpɛma
mali niŋ- Hon. Alhaji Aliu Mahama ŋun nyɛ Ghana zuɣulan' pa' kuro la.[9]
- Hon. Haruna Iddrisu ŋun nyɛ jintɔra zaŋ ti Tamale South yaɣili la ka lahi nyɛ zuɣulana zaŋ ti jintɔriba ban bi galisi la Ghana Parliament ni.[10]
- Hon. Murtala Mohammed ŋun nyɛ jintɔra zaŋ ti Tamale Central yaɣili la.
- Hon. Mohammed Hardi Tuferu, ŋun nyɛ jintɔra n ti Nanton yaɣili Ghana jina duu
- Hon. Ibrahim Anyass ŋun nyɛ NABCO zuɣulan' la.
- Hon. Alhaji Farouk Aliu Mahama ŋun nyɛ jintɔra zaŋ ti Naya yaɣili la.
- Hon. Alhaji A.B.A Fuseini ŋun nyɛ jintɔra zaŋ ti Sagnarigu yaɣili la.
- Hon. Alhassan Suhuyini, ŋun nyɛ jintɔra zaŋ ti Tamale North yaɣili la.
- Hon. Hajia Mariam Mumuni
- Hon. Mohammed Adam Amin Anta ŋun nyɛ jintɔra zaŋ ti Karaga yaɣili la.
- Hon. Musah Abdul-Aziz Ayaba , ŋun nyɛ jintɔra zaŋ ti Mioŋ yaɣili la.
- Hon. Mohammed Habib Iddrisu, ŋun nyɛ jintɔra zaŋ ti Tolon yaɣili la.
- Hon. Iddrisu Musah Superior ,ŋun nyɛ DC kuro zan ti Tamale Metropolitan Assembly la.
Ban Be Alikaali Tuma Ni
mali niŋ- Looya Ibrahim Mahama
Ban Be Baŋsim Yɛligibu Ni
mali niŋ- Professor Seidu Al-Hassan ŋun nyɛ zuɣulan' n-zaŋ ti University for Development Studies Tamali dindoŋ̩ni la[11]
- Dr. Ibrahim Mohammed Gunu ŋun nyɛ zuɣulan' zaŋ ti University of Development Studies Faculty of Education yaɣili la.[12]
- Dr. Abdul Nashirudeen Mumuni ŋun nyɛ zuɣulan' zaŋ ti University of Development Studies Department of Medical Physics and Imaging yaɣili la.[13]
Ban Be Alaafeei Tuma Ni
mali niŋDr. David Fuseini Abdulai Choggu[14]
Ban Be Kparilim Ni
mali niŋBan Be Alifahili Ni
mali niŋ- Shehu Ibrahim Basha Bayaan
- Shehu Mohammed Amin Bamba
- Shehu Saeed Abubakar Zakaria
- Shehu Mohammed Lukman Bamba
- Shehu Hussein Saeed Yakubu Jarjah.
- Shehu Tanko Abubakar Issahak
- Shehu Abdul-Salaam Ahamad
Ban Be Lahabali Churi Tuma Yaɣili Ni
mali niŋ- Prof. Amin Alhassan ŋun nyɛ zuɣulan' zaŋ ti Ghana Broadcasting Cooperation la.[15][16]
Kundivihira
mali niŋ- ↑ 1.0 1.1 1.2 1.3 1.4 1.5 1.6 Mahama, Ibrahim (2004). History and Traditions of Dagbon. Tamale: GILLBT Printing Press. pp. 12–16.
- ↑ 2.0 2.1 2.2 2.3 2.4 2.5 2.6 History of the Dagbon State (en-gb).
- ↑ 3.0 3.1 Transforming Dagbon chieftaincy institution into a Development Institution - MyJoyOnline.com (en-US).
- ↑ 4.0 4.1 4.2 Ghana Ethnic Groups : Dagbamba.[permanent dead link]
- ↑ 5.0 5.1 5.2 5.3 5.4 Abdallah, Iddrisu (2016). BECE Tilaa-The Culture. Tamale: Fresh Printing Press-Tamale, Ghana. pp. 5–9. ISBN 978-9988-2-3620-5.
- ↑ Government must intensify oil exploration in northern Ghana- Prince Mba – Petroleum Commission Ghana (en-US).
- ↑ President directs review of exploratory and petroleum agreements – Petroleum Commission Ghana (en-US).
- ↑ On-Farm Trial Network Generating Site-Specific Recommendations in Ghana – African Plant Nutrition Institute (APNI) (en-US).
- ↑ Breaking News: Former Ghana vice president and RTU founding member Aliu Mahama dies at 66 | Goal.com.
- ↑ Parliament of Ghana.
- ↑ UDS Pro-Vice-Chancellor assumes office (en-gb).
- ↑ UDS elections: Dr. Gunu elected Dean of Faculty of Education (en) (2020-12-03).
- ↑ Department Of Medical Physics And Imaging - University for Development Studies.
- ↑ Medical philantropist Dr. Abdulai Choggu honoured posthumously in Tamale (en) (2020-03-23).
- ↑ BMA, Yonela (2021-10-11). Interview: “Local Content Is Key, But, Unique Content Is King” - Prof. Amin Alhassan, Ghana Broadcasting Corporation (GBC) [Watch Video] (en-US).
- ↑ GBC’s Director-General, Professor Amin Alhassan adjudged Most People-Focused CEO of the Year (en-US) (2021-08-30).