Inusah Fuseini
Inusah Abdulai Bistav Fuseini nyɛla bɛ ni daa dɔɣi so silimiin-goli January biɛɣu pishi ni ata dali, 1962 yuuni. O nyɛla bilichini ŋun nyɛ looya ka lahi nyɛ siyaasa nira. O nyɛla jintɔra zaŋti Tamale sunsuuni jintɔri yaɣili (Tamale Central Constituency) ka lahi nyɛ fukumsi kpambal' kuro zaŋ ti Liɛm (NDC) gomnanti din gari la.
O Piligu mini O Shikuru Baŋsim mali niŋ
Inusah nyɛla bɛ ni daa dɔɣi so fɔŋ yuli booni Tishiɣu ka di be Tamale Tudu yaɣili na, Ghana tiŋgbani puuni. O daa nyɛla ŋun tumdi alikaale tuma din zuɣu be Ankara ka bɛ booni li Law Trust Company la, ŋɔ maa daa nyɛla pɔi ka o daa kpe siyaasa tali ni.[1] Inusah nyɛla ŋun daa chaŋ Bagabaga College of Education n-daa deei shahira gbaŋ din nyɛ Cert A, ka daa lahi tuɣi chaŋ University of Ghana karimzɔŋ titali la ni n-daa ti deei shahira gbaŋ din nyɛ LLB Bachelor's Degree, alikaale tali ni. Lala shikuru ŋɔ ni ka o daa lahi dee o shahira gbaŋ din nyɛ LLM Master's Degree, alikaale tali ni yaha.[2]
Siyaasa tali mali niŋ
Inusah Fuseini, ŋun be Liɛm siyaasa yaɣili (NDC) ni la daa leela jintɔra, di ni daa niŋ ka Alhassan Wayo Seini daa yi liɛm siyaasa yaɣili puuni n-daa looi wabigu siyaasa yaɣili (NPP) ni naai. Ŋɔ maa daa niŋ la labi-niŋ piibu-piibu bɛ lala yaɣili maa, silimiin-goli April dabaanahi dali, yuuni 2006. Inusah Fuseini daa di nasara lala piibu-piibu maa ni, dihibu din kalinli daa yiɣisi tuhi-pia ni ayɔpɔin ni kɔbishinu ni ayi (17,502).[3] O daa di nasara Ghana zaa piibu-piibu maa puuni yuuni 2008 ni dihibu, kɔbigi puuni vaabu pihiyɔbu ni ayɔbu (66%).[4] O daa lahi labi di kuɣu maa yuuni 2012, Ghana zaa piibu-piibu maa puuni.[5] Ka daa lahi dee nasara yuuni 2016.
Maŋ maŋ lahibali mali niŋ
Inusah Fuseini nyɛla Musulimi ka kpuɣi paɣaba ayi n-dɔɣi bihi anahi.[2][6]
Kundivihira mali niŋ
- ↑ Inusah Abdulai Bistav Fuseini. Mobile.ghanaweb.com.
- ↑ 2.0 2.1 Parliament of Ghana.
- ↑ GNA (5 April 2006). Minister commends Tamale Central electorate for peaceful election. Ghanaweb.com. Retrieved 2 October 2020.
- ↑ Parliamentary Results Tamale-Central (Northern Region). Ghanaweb.com.
- ↑ Election 2012: Tamale Central. Ghanaweb.com.
- ↑ My Northern Achiever (28 February 2020). My Northern Achiever [S2E02 Inusah Fuseini]. YouTube. Retrieved 2 October 2020.