Dorcas Affo-Toffey

E-Class

Dorcas Affo-Toffey
Member of the 8th Parliament of the 4th Republic of Ghana (en) Silimin gɔli January 7, 2021 -
Silimin gɔli May 4, 1972 (run 51)
O ya Tiŋgbaŋ	Ghana
Education
Bala yɛlibu, sabbu bee buɣisibu	Silmiinsili
Tuma
Tuma	politician (en)
Adiini	Kristatali
O ni be paati shɛli ni	National Democratic Congress

Dorcas Affo-Toffey nyɛla Ghana daabi kuɣinli, ninvuɣu suŋ ni siyaayasa nira. National Democratic Congress paati ni ka o be. O nyɛla jintɔra zaŋti Jomoro piibupiibu yaɣili din be Western Region. Affo-Toffey nyɛla bɛ ni dɔɣi so silimiin-goli May dabaa anahi dali,yuuni 1972.

Piligu biɛhigu mini Shikuru Baŋsim

Affo-Toffey nyɛla bɛni dɔɣi so silimiin-goli May dabaa anahi yuuni 1972 Tikobo No1 n-ti Stephen Ackah Toffey ŋun daa kpi la ni Mary Afo Danyi. Bɛ dɔɣila Affo-Toffey pahi bia bɔbgu zuɣu ŋun pahiri piiya ni anii o ba bihi ni, n-nyɛ o ma bihi ni ŋun nye bahigu bihi anu puuni. O chaŋla o piligu shikuru Tiboko No1 ni Ideal Preparatory School din be Takoradi, nya shikuru chaŋ Nkroful Agriculture Secondary school yuuni 1986. O naai ka o gɔ chaŋ silimiin-tiŋa Amɛrica n-ti be o beya nim sani. Lala saha ŋɔ ka o chaŋ ti bɔhim nyina sabita(Dental Hygiene), yiya gbubbu, mali maŋa ni daabihi bɛhisuŋ.

O gbubila Diploma in Branding ni Customer Service Management. O lahi chaŋ shikuru pahi Knustford University College ka daa naai n dee shahara gbaŋ din nyɛ Masters of Business Communication(MBA), Marketing.

Tuma

Yuun pishi ni anu din gari, o daa tumla tuma yaɣa pam America o ni daa ʒi ni la, ŋan shɛŋa n nye Alaafeei yaɣili (Health), Shikuru baŋsim(Education), Ya miɛbu ni daabiligu.

Zaŋ gbaai yuuni 2002 na ni zuŋɔ, o daa kpa ka mali tuma duri pam Georgia, Atlanta. Di shɛŋa n daa nyɛ Queen D Beauty and Topeka Properties din jɛndi miɛbu. O lahi nyɛla senior partner n-ti Selfie Home din be Georgia, Atlanta. O daa labina Ghana yuuni 2012 ni o ti tuɣi o daabiligu tuma o ba nye Chief Executive Officer ni Country Representative n-ti Nano Fix it Company ni Sébastian closet Inc.

Siyaayasa

Jinaduu bɔbbu

Bɛ daa piila Affo-Toffey jintɔra n-ti National Democratic Congress(lem)paati ni o zani n-ti Jomoro piibupiibu yaɣili silimiin-goli August yuuni 2019. O daa nyɛla piibu kalinli tuhili ni kobisita ni pihinahi ni ata(1,343) n zani pubbu kobigi puuni vaabu pihinii ni ayopɔin ni pɔnchi anahi (87.4%), ka niriba ayi ban kpalim Akatia Kwaidoo, Nda Blay Armah nya kalinli kobigi ni pihinii anii(188) n zani pubbu kobigi puuni vaabu piiya ni ayi pɔnchi ayi(12.2%) ni kalinli anahi (4) n zani 0.2%. O daa dila yuuni 2020 piibupiibu n-ti Jomoro yaɣili o ni daa nya kalinli din yiɣisi tuhi pishi anahi ni kobisita ni pihinu ni ayobu(24,356) din zani pubbu kobigi puuni vaabu pihinu ni anu,ni pɔnchi anu (55.5%) n gari o nyintaa ŋun daa pun nye yaɣili maa jintɔra zaŋti New Patriotic Party Paul Essien nya kalinli tuhi piiya ni awɔi, kobisi nii ni pihinii awɔi (19,889) n zani pubbu kobigi puuni vaabu pihinahi ni anahi pɔnchi pihiwɔi ni anu (44.95%).Tum silimiin-goli January 2021, o bahi la paɣiba ban nye pihinahi ni paɣa yino ŋun yi Central Region m be jinaduu n-ti bɛ yaɣili.

Jintɔra

Silimin gɔli January dabaa ayopɔin dali yuuni 2021 la, Affo-Tottey daa pɔ pɔri bɛ ni daa piigi o jintɔra zaŋti Jomoro yaɣili ni o kpɛ 8th Parliament of the 4th Republic of Ghana la. O nyɛla ninvuɣ so ŋun be Gender mini Children komitii n-ti pahi Lands mini Forestry komitii jintɔri duu ni.

O daa nyɛla ninvuɣ so ŋun di alizama jinaduu silimin gɔli March biɛɣ'pishi ni anahi dali yuuni 2021 la, o daa kpaŋsi la gomnanti ni o yina n-t kparigi i tiŋgbani maa so shɛŋa bɛ ni daa kpari la ka di daliri nyɛla COVID-19 yɛligibu zuɣu la, ni o yi kparigili ni di nyɛla din yɛn kpaŋsi dabiɛlim tuma. O daa kpaŋsi gomnanti ni o niŋmi yumyum yina n-ti labi kparigi tiŋgbani so shɛŋa din doni kpɛri Jomoro yaɣili kamani Elubo, Jaway wharf, Newtown, Ellenda wharf n-ti pahi soli kam din doni kpɛrina Ghana. Din boŋɔ daliri daa nyɛla o mali la tiŋsi pam ka di nyɛ soya n-kpɛrina Ghana o yaɣili ka lala tiŋsi ŋɔ be la Ghana mini Ivory Coast sunsuuni.

Nangban Kpeeni Ni O Yɛlimaŋ Tali

O ni daa di yuuni 2020 jintɔri tali piibu piibu maa nyaaŋa, bɛ daa yɛli ya ni Affo-Toffey nyɛla ŋun tumdi civiili niribi ayi tuma ka di nyɛ Joshua Emuah Kofie, ŋun yina tiŋ yuli booni Nuba-Mpataba o yaɣili maa. Kootu daa bɛ saɣiti o lala tuma maa. Kootu shɛli din daa bahindi nyaaŋa o daa bi chaŋ lala kootu maani ka di daa chɛ ka kootu n-ti o "bench warrant" silimin gɔli December dabaa ayobu dali, yuuni 2021 la. Di nyaaŋa silimin gɔli December dabaa awayi dali yuuni 2021 la, Affo-Toffey daa chaŋ la kootu maa ni, ni o alikaali nira, Edudzi Kudzo Tamaklo, n-ti pahi jintɔra zaŋti Ellembelle, Emmanuel Armah-Kofi Buah. Sekondi Commercial kootu ni, bɛ ni daa di sariya maa bɛla nyaaŋa o daa" rescinded the bench warrant" bɛ ni daa zaŋ pa o zuɣu la.

Dima ni yiŋjam

Silimin gɔli March biɛɣ'pishi ni anahi dali, yuuni 2021 la, Affo-Toffey daa dan nayi Ghana Division One League club Proud United. Lala club's ŋɔ yuli daa taɣiya n-ti Jomoro FC ka bɛ daa yihi li Ankara din be Greater Accra tudu yaɣili la labisi Jomoro din be Eastern tudu yaɣili la. Bɛ daa yɛliya ni club's ŋɔ na ʒme di dundɔŋ ni bolla park shɛli din yuli booni Crosby Awuah Memorial Park (CAM)puuni, din be Aiyinase la, din nyɛ Karela United yiŋ la.

O Maŋmaŋ Biɛhigu

O yidana yuli n booni Joseph Lawrence Ashun, bipuɣiŋsi ayi ka bɛ dɔɣi :Francine Kofi ŋun nyɛ baaŋa ka bɛ lahi mi o Fantana ni Lynelle Kofi ŋun nyɛ dɔɣitɛ be United States of America.