Yaa-Naa Mahama ll

Dagbaŋ Yaan-Naa kuro

E-class

Yaan-Naa Mahama ll
ninsala
Paɣa bee dooDoo Mali niŋ
O ya TiŋgbaŋGhana Mali niŋ
YumaŋliMahamaru Mali niŋ
Kpibu dabisili6 Silimin gɔli February 1948 Mali niŋ
Tumanaa Mali niŋ

Yaan-Naa Mahama ll ( Mahamaŋ Kpɛma). 1938-1948

Piligu mali niŋ

Yaan-Naa[1] Abdulai ll kum nyaaga, Nanima anahi n-daa yina n-ti bɔri Yani. Ban n-daa nyɛ Yaan-Naa Abdulai Gbaŋ-lana Alhassan, Yoo-Naa[2] Yakubu, Mion-Lana[3] Mahama ni Karaga-Naa Ziblim. Yoo-Naa Yakubu mini Mioŋ-lana Mahama daa nyɛla Naa Andani ll bihi. Karaga-Naa Ziblim daa nyɛla Kari-Naa Bukari bia ŋun daa bi paai Yani gbana zuɣu. Dagbaŋ[4] yɛlikpana bee zalikpana puuni, Gbaŋ-lana Alhassan mini Karaga-Naa Ziblim Yani bɔbu nyɛla lahinli yini. Karaga-Naa Ziblim ba daa bi paai Yani, bia mi ni bi gari ti o ba nam polo la, o ni tooi di la Nama shɛŋa din mini Karaga saɣi. Gbaŋ-lana Alhassan mi gba daa bi diri Yani dunoya ŋɔ shɛli.

Naa Mahamaŋ Kpɛma di Yani mali niŋ

Committee din su Yaan-Naa gbaabu daa yina silimiin-goli September biɛɣu pishi ni ata yuuni 1938 n-ti ti lahabali ni Mioŋ-lana Mahama ka bɛ gbaai Yaa Naa ka o nam gbana yuli nyɛ Yaan-Naa Mahama ll

Yaan-Naa Mahama ll daa zaŋ Gbaŋ-lana Alhassan ʒili Mioŋ. Yuuni 1947 ka Karaga-Naa Ziblim kpi. Yaan-Naa Mahama ll ŋun gbaai o bia ŋun daa nyɛ Sagnarigu[5] Naa Andani n-ti ʒili Karaga din daa ka Naa la, ka Yani kpamba mini Karaga tiŋbihi yina n-ti zaɣisiri li. Miisim ŋɔ ka bɛ be, ka Sunsuŋ-Naa Adam ŋun daa nyɛ Kari-Naa Ziblim tizo la bi lihi nya Yaan-Naa, ka chaŋ ti ʒini Karaga pɔi ka Sagnarigu Naa Andani paai Karaga. Banvim-lana Abdulai ŋun daa di Sagnarigu gba daa chaŋ ti ʒini, n chɛ ka Saɣnarigu Naa Andani kɔŋ nam. Ka District Commissioner kpe dini, saha ŋɔ n-zaɣisi Karaga nam ʒinibu. Silimiin-goli February dabaa ayɔbu dali, yuuni 1948 ka Yaan-Naa Mahama ll kpi. O kpibu saha Yaan-Naa Mahama ll daa nyɛla yuun ' pihinii.

Committee kpamba taɣibu mali niŋ

Yaan-Naa Mahama ll kpibu nyaaŋa, Dagbaŋ State Council daa ʒini laɣiŋgu silimiin-goli May biɛɣu piiya ni ayi, yuuni 1948, ka Yaan-Naa Mahama ll Gbaŋ-lana nyɛ ʒii maa daambilo, ka bɛ zaa daa saɣiti ni bɛ taɣimi Committee din gbaari Yaan-Naa. Yaan-Naa gbaabu committee palli ŋɔ daa mali la Nabihi mini kpambalila ban yi Yendi, Nabihi kamani ; Gushie-Naa, Yɛlizoli-lana, Nanton-Naa, Gukpɛ-Naa, Sunsuŋ- Naa, Tolon-Naa, Kumbungu-Naa,

Yɔɣu Kpamba : Kuɣu-Naa, Zohe-Naa, Tuɣiri-Nam ni Gagbunidana. Committee palli ŋɔ daa lahi gbaai mi, ni di yi ti niŋ ka bɛ kutooi laɣim gbaai Yaan-Naa Palli, din ŋuna bɛ yan niŋ la piibupiibu ka Yaan-Naa maa nyɛ ŋun mali kalinli pam.

Kundivihira mali niŋ

  1. Yaan Naa Reaffirms, "Seize the talking drums from Tamale Dakpemah, and hand it over to the Gbewaa Palace" (en-US) (2022-03-11).
  2. Give peace a chance for devt to thrive - Yoo Naa to Bimbilla factions (en-gb).
  3. GNA (2022-08-21). President, Vice President attend funeral of late Mion-Lana (en-US).
  4. Ennin, Richard. Chiefs of Dagbaŋ, Nanuŋ appreciate Defence Minister's move to ensure peace in their areas (en).
  5. N/R: CHRAJ drags Sagnarigu MCE, NPP Chairman to court over contempt (en-US).