TACE Wiki Hub
"Tace Dagbani Wikipedia Hub" nyɛla dagbaŋ bilichini nima (ti ni boli shaba Dagbani wikimedians ban puu biɛri dagbaŋ zuɣu ka bɛ niya ni bɛ kohi Dagbanli nti duniya zaa ni daa yina ti gahim Tamale College Of Educaton shikuru karim bihi ban gba mali korisi ni bɛ zaŋ Dagbanli n-wuhi duniya zaa. Lala tabo Wikimedia hub ŋɔ nyɛla kpamba ni daa yina n-ti kpa ka saɣiti shɛli silimiin gɔli August biɛɣu pia ni anahi yuuni, 2022 (14th, August, 2022). Dabisili ŋɔ daa lu la alahari. Dagbani wikimedians kpamba ni daa piigi lala dabisili ŋɔ, bɛ daa gbaa mi ni ʒia maa yɛn pili la asiba kurigaa awɔi (9am) n ti naai wuntaŋni agbaa zuɣuni (12pm). Tɔ amaa pirim la sali ni su buɣisibu ka Naawuni mi niŋdi la zuɣu, sa kurigu daa nyɛla ŋun luna asiba kurigaa anii (8am) zaŋ hali ni kurigi pia (10am) polo. Saa ŋɔ zuɣu daa che ka ʒia maa pili la wuntaŋni agbaa (12pm) n-ti naai zaawuni kurigaa ayi (2pm). Ʒia maa yɛlli kam daa pili mi ni aduwa suhubu. Din nyaaŋa Dagbanli wikimedians kpamba yino (DnShitobu) daa yɛli salo Dagbanli Wikimedia ni pili sham hali ti paai shɛli. Di daa bɛ zani ni, ka Mr. Yussif A. Rasheed gba daa Dagbanli Wikimedia nima ni mali niya shɛŋa. O ni daa naagi, Mrs. Ruki Wumpini mini Mr. Dnshitobu daa zaŋla salo maa wuhi Wikipedia ni mali yaɣ'shɛŋa. Karimbihi ŋɔ ni daa baŋ Wikipedia ni mali yaɣ'shaŋa n-naai, mba Achiri mini Mr. Darajaati daa le karimbihi ŋɔ baŋsim zaŋ chaŋ bɛ ni yɛn doli so shɛŋa n nam bɛ gba dahalali accounti nima din yɛn tabi soŋ ka bɛ gba sabi viɛnyɛla pohim (Wikimedia ) maa zuɣu ka dagbaŋ ti tooni. Din doya ŋɔ zaa nyaanŋa Mr. Sadik Shahadu mini Mr. Sibdow ŋun nyɛ Dagbanli karimba n zaŋti Tamale College of Education Karim zɔŋ ti tali la daa zani di shɛhira ka saɣi Tace Dagbani Wikipedia Hub ŋɔ nambu. Mr. Sibdow n-daa lahi nyɛ ŋun zaŋ saɣisigu n-ti Karimbihi ŋɔ mini ʒii maa kpamba poi, ka bɛ daa naan yi suhi aduwa ka ʒia maa yiɣisi.[1]
| Pahi la | Dagbani Wikimedians User Group  |
|---|---|
| Di pilli ni | 2022 |
| Ŋun pili | Sadik Shahadu |
| Tiŋa | Ghana |
Di anfaani nima
mali niŋ- Di nyɛla din yɛn tabi sɔŋ ziligi Karim bihi ban be di ni mini ban ka ka din ni zaa baŋsim.
- Di ni tooi tabi sɔŋ ka Dagbani bohambu niŋ bayana.
- Di lan nyɛla din yɛn tabi sɔŋ ka Dagbaŋ yuli chaŋ katiŋa.
- Di lan nyɛla di yɛn kpaŋsi zosimli ni nangban yini ban be din ni sunsuni.