Ghana Must Go (sinii)

Ghana Must Go nyɛla yuuni 2016 la sinii shɛli bɛ ni boli Ghana-Nigerian romantic comedy sinii din maʒina zuɣu yulibu daa be Frank Rajah Arase nuuni. Di kpɛrikpɛritiba nyabili n-nyɛ Yvonne Okoro, Blossom Chukwujekwu, n ti pahi Nkem Owoh. Lala sinii ŋɔ nyɛla din yɛri ti zaŋ kpa paɣa mini doo ban be tiŋa konkɔba ka bɛ yurilim ni taba leei zɔm bɛ nina zaa ni muɣisigu shɛŋa din daa paai ba saha bɛ ni daa piili n nyili bɛ laamba ni bɛ naai li ni ʒinahigu. Sinii ŋɔ n-nyɛ din pahiri ayi bɛ ni boli shɛba Desamour Company nima la ni yihi na bin din gbaai saha bɛ ni daa gbaai bɛ gbaabu shɛli siliminsi ni boli Contract (2012 film) Bɛ daa na n tuui mi n sɔɣi juhi n lihi sinii ŋɔ la bɛ ni boli shɛli Filmhouse Cinemas, Surulere silimin gɔli May, yuuni 2016 puuni.

Ghana Must Go (sinii)

sinii

Nuu tuunbaŋsim balibu	romantic comedy
Tingbani shɛli din yina	Nigeria, United Kingdom, Ghana
Bali tuuli dini zaŋ niŋ kpɛrigu	Silmiinsili
Zaŋ wuhi salo dabisili	4 Silimin gɔli June 2016
Kpema	Frank Rajah Arase
Deendiɛmdiba nira	Yvonne Okoro, Helen Paul, Nkem Owoh, Blossom Chukwujekwu, IK Ogbonna
BBFC pubu	12A certificate

Kpɛrikpɛritiba

• Yvonne Okoro bɛ ni boli so Ama la
• Ik Ogbonna
• Blossom Chukwujekwu ka bɛ boli o Chuks
• Helen Paul
• Ada Ameh
• Nkem Owoh

Plot

Sinii ŋɔ ni pili, Chuks (Blossom Chukwujekwu), ŋun nyɛ nachin'bilipolli ŋun yi Nigeria na ka o laamba nyɛ ban dii ka bɛ nuuni mini Ama (Yvonne Okoro), paɣasaribil'polli ŋun nyɛ Ghana nira ka o laamba nyɛ buni ni kuli shɛba ka o daa lee chaŋ shukuru London tingbani puuni. Bɛ niraba ayi ŋɔ daa nyɛla ban mali kɔrisi ni taba ka di niŋ dabaa ayi, tɔi amaa saha shɛli Ama ni daa ti zaŋ Bloom n wuhi o niriba, yɛltɔɣa kura daa nyɛla din yiɣisi pirimila doo ŋɔ ni daa nyɛ Nigeria niri la zuɣu. Paɣa ŋɔ laamba ŋɔ daa nyɛla ban mali hankali pooli zaŋ kpa Nigeria nima polo. Okoro's ba, Kofi Adjorlolo nyɛla ŋun suhu daa bi yu bɛ biɛhigu maa pirimila o ni mi Nigeria zalisi zaŋ chaŋ Ghana Must Go polo ni be shɛm tum yuuni kɔbisinii la ha saha maa (80s). Kofi daa ti bi yurimi ka saɣi n ti bɛ biɛhigu maa dɔmin bɛ daa pun lɔ la bi'puɣinga ŋɔ amiliya n-ti Chuks. Tɔi amaa yɛli ŋɔ daa nyɛla din bahi jahi din daa niŋ ka o bidibiga so ŋun nyɛ zaɣi tulli la, IK Ogbonna chaŋ n ti kpuɣi Chuks niriba ban daa nyɛ Nkem Owoh, Helen Paul n ti pahi Ada Ameh la matukayiɣirigu teesa lana din daa nyɛ Chuks ni daa puhi o ni o niŋ shɛli. Bɛ mɔnamɔna din daa yiɣisi ka di nyɛla bɛ kaya ni taada n ti tabili bɛ zaashee buni puuni ŋɔ nyaaŋa, bɛ laamba ŋɔ daa pa nyɛla ban laɣim n saɣi saɣiri shɛli din ka nyaaŋa labibu n ti bɛ ʒinahigu maa.

Reception

Yvonne Chinyere Anoruo ŋun be Olisa TV la daa nyɛla ŋun paɣi ban daa kpɛri kpɛrigu ŋɔ pam. Tɔi amaa dinbɔŋɔ nyaaŋa o daa nyɛla ŋun kpahim ka sinii ŋɔ bɛ chaŋ viɛyɛlinga dɔmin bɛ daa buɣisiya ka di wuhi ni Ghana nyɛla din lebigi ka lahi mali ninneesim n gari Nigeria din nyɛ din pa lala. Tɔi amaa di daa nyɛla din dii bi galim dinzuɣu, o nyɛla ŋun daa kooi o yɛltɔɣili zaŋ kpa sinii ŋɔ polo ka yɛli ni sinii maa nyɛla " din mali nyaɣisi pam ka lahi mali yɛltɔɣ'viɛla ni yɛlmaŋ'kpema din kperi kurunbuna ni ha dinzuɣu din bi tu ni kpaɣi punpɔŋɔ na yɛla ka tam suhudoo shɛli din bo n kpehi zuɣupuri ni na".

Andrew Oke ŋun yɛri n tiri bɛ ni boli shɛba cinema review nima la gba daa nyɛla ŋun puhi ka paɣi ban kpɛri sinii ŋɔ pam din bahi bahindi ŋun daa nyɛ kpɛrigu maa nyabili. Tɔi amaa, o gba daa bahi nya bɛ ni daa bi tooi n yuli sinii maa ni daa tu ni di kpɛri shɛm zuɣu la ni bɛ ni daa ŋmaali shɛm la daa nyɛla muɣisigu shɛŋa o ni daa nya. Lala sinii ŋɔ daa nyɛla bɛ ni zaŋ shɛli n ŋmahim ʒiriduɣu shɛli din binbora zaa wum amaa ka lee bi poli viɛyɛlinga dɔmi ŋun duɣi li maa ʒi bɛ ni polindi ʒiri shɛm.

Chidumga Izuzu ŋun be Pulse Nigeria la gba daa yɛliya bela n kpa di polo. O ni daa pahi shɛli n-nyɛ o daa yɛliya ni sinii ŋɔ "nyɛla sinii shɛli din chaŋ viɛyɛlinga ka che di mali yaɣ'shɛŋa din kuri lari".