Cecilia Gyan Amoah

Cecilia Gyan Amoah nyɛla Ghana siyaayasa nira ni asanza nira ŋun zani nti Asutifi South piibupiibu yaɣili din be Ghana zaŋ gbaai yuuni 2000 ti kpa 2005. O saha ni daa paai, ka o daa labi o piibupiibu yaɣili kurili shɛli o yidana ŋun kpi ni daa labi zani ka bi di.

Siyaayasa

Cecilia Gyan Amoah daa dila Asutifi South piibupiibu yaɣili yuuni 2000 Piibupiibu saha la n-lɛbi jintɔra kpe jinaduu nti New Patriotic Party din nyɛ Wabigu, n-daa di nasara n gari Collins Dauda ŋun daa nyɛ Minister kuro nti Ministry of Lands and Natural Resources, Water Resources ni tuma mini ya mɛbu (Works and Housing) ŋun daa zani nti National Democratic Congress paati.

Amoah daa nyɛla jintɔra zaŋ ti Asutifi South piibupiibu yaɣili zaŋ gbaai Silimiin-goli January yuuni 2001 hali ni silimiin-goli January yuuni 2005 din daa niŋ ka o yidana daa kɔŋ o nyɛvuli yuuni 2000 ŋun daa pun zani nti paati maa lala yaɣili maa. O daa bi lahi zani nti New Patriotic Party din niŋ ka o daa bi nya nasara parliamentary primaries piibupiibu saha yuuni 2004 bahigu nti Thomas Broni ŋun nyɛ Deputy Minister for Interior. O daa nyɛla ŋun nyɛ tuuli jintɔra paɣa ka bi zaɣisi o New Patriotic Party puuni.

Amoah n-daa lahi nyɛ Ghana Ambassador nti Cuba n lɛbi High Commissioner zaŋti Barbados di nyaaŋa. Silimiin-goli June yuuni 2015 ka o daa di parliamentary primaries piibupiibu nti Asutifi South piibupiibu yaɣili nti wabgu paati (New Patriotic Party) ni o ti zani yuuni 2016 piibupiibu nti o paati. Amaa o yidana daŋ puuni yino ŋun daa nyɛ o ŋahiŋga daa bi saɣiti o labi zani maa ka booni ŋun daa pun nyɛ jintɔra nti yaɣili maa "barina". Amoah daa galindi la o siyaayasa nyintahi ni bi mali la nabiɛri mini varisigu soya, nyaaŋa o ni daa yɛli ni bi timla bidibisi ni bi ti liri Polling Agents. Bɛ daa liri la Amoah mini niriba pam n-daa saɣim chechenim pam din daa be o sulinsi ni.

Yuuni 2000 Piibupiibu

Cecilia Gyan Amoah daa lɛbila jintɔra nti Asutifi South piibupiibu yaɣili yuuni 2000 Ghana piibupiibu saha. Bɛ daa piigi o mi ka o zani nti New Patriotic Party. O piibupiibu yaɣili ŋɔ daa pahila kuɣisi piiya ni anahi (14) shɛli New Patriotic Party ni daa kpuɣi bee n di kuɣisi din zaa kalinli daa nyɛ pishi yini (21) Brong Ahafo Region zaa. New Patriotic Party daa dila jinaduu kuɣisi pam n-gari kobiga(100) kuɣisi kobisiyi (200) puuni Ghana jinaduu din daa pahiri ata Ghana 4th Republic.

Bɛ daa pii o mi ni piibu kalinli din yisi tusaanii ni kobisiyi pishi (8,220) n yi piibu kalinli din zaa daa yisi tuhipiiya ni ayobu, ni pihinii awɔi (16,089). N zani kobigi puuni vaabu pihinu yini ni pɔnchi ayobu (51.6%).O daa nyɛla zuɣusuŋ n gari Collins Dauda ŋun daa zani nti National Democratic Congress paati, Alfred Osei Nkrumah National Reform Party, Alex Osei Amakwaa ŋun gba daa zani nti Convention People's Party ni Kwabena Yeboah ka o mi zani nti People National Convention. Bɛni daa nyɛ piibu kalinli shɛŋa m-boŋɔ ; tuhipiiya anahi, kobisita ni pishi ayobu (14,326), kobisita ni pihinu awɔi (359), kobisiyi ni pihinahi anu (245), kobisiyi ni ayopɔin (207) ni kobisiyi (200).