Benito Owusu Bio
E-Class
Benito Owusu Bio ( bɛ duɣ o la silimin gɔli November dahin yini dali yuuni 1968 la) [1][2]o n-nyɛla Economics baŋda din jɛndi tiŋgbana[1][2],o nyɛla Ghana siyaayasa nira. Jintɔra n-nyɛ o n-ti Atwima-Nwabiagya piibu piibu yaɣili din be Ashanti tudu yaɣili la. O pahila jinaduu din pahiri anahi, anu, ayobu, ayopɔin ni anii Republic of Ghana[3] wɔbigi paati puuni yino n-nye o.[1][2][3]
Piligu biɛhigu mini Shikuru mali niŋ
Owusu nyɛla bini dɔɣi so silimin gɔli November dahin yini dali yuuni 1968 la.[1][2]O yila Akropong din be Ashanti tudu yaɣili Ghana la.[1][2]Yuuni 1994 o daa chaŋ la Kwame Nkrumah University of Science and Technology [1][2]n-ti niŋ o Bachelor of Science degree in Land and Economy.[1] [2]O daa n-nyɛla la la degree ŋɔ yuuni 1994.[1][2]O lahi n-nyɛla shikuru bili kurili n-zaŋti University of Birmingham,[1] [2]ni ka o daa n-nyɛ o Masters in Sociology in Hospitality,[1][2]yuuni 1998 la.[1][2]
Tuma mali niŋ
Owusu daa n-nyɛla General Manager n-ti Hotel Georgia Limited din be Kumahi la.[1][2]
Siyaayasa tuma mali niŋ
Owusu n-nyɛla wɔbigi (NPP) paati puuni yino.[1][2][3]O daa pahi la jiŋtɔri bi ni silimin gɔli January yuuni 2005 la o ni daa di nasara silimin gɔli December yuuni 2004 Ghana piibu piibu la ni. [4][5]Di saha hali ni zuŋɔ, bunahi ka o di jiŋtɔri tali maa.[3] O nyɛla jiŋtɔra zaŋti Atwima-Nwabiagya North yaɣili. [1][2][3][4]Ŋun kuli n-nyɛ jintɔra n-ti fourth, fiƒth, sixth ni seventh Fourth Republic of Ghana. O daa nyɛla ninvuɣ so ŋun be Roads and Transport komitti ni Public Accounts komitti n-ti 7th parliament of the fourth republic of Ghana.[3]Bɛ daa piigi o la Deputy Minister zaŋti Lands and Natural Resources.[6]
Piibu piibu mali niŋ
Bɛ daa pii la Owusu-Bio jintɔra n-zaŋti Atwima-Nwabiagya North yaɣili din be Ashanti tudu yaɣili Ghana la o tuli yuuni 2004 Ghana piibu piibu la ni.[3] [4][5]O daa di nasara n-ti wɔbigi paati. [4][5]O yaɣili maa daa pahi la 36 jintɔri kuɣsi 39 puuni din daa di nasara n-ti wɔbigi paati piibu piibu shɛli din daa niŋ maa Ashanti tudu yaɣili. [7]Wɔbigi paati n-daa nyɛ ban galisi ni jintɔri kuɣsi din kalinli daa yiɣisi 128, jintɔri kuɣsi 230 puuni .[8] O daa di la kuɣ maa ni kalinli din daa yiɣisi 56,337, kalinli din daa yiɣisi 70,252 puuni(kɔbigi puuni vaabu 80.2% n-bala ban daa niŋ la la piibu piibu maa ni). [4][5]O ni daa di shɛb la la piibu piibu maa ni n-nyɛ Ebenezer Obu Tetteh ŋun daa zaya n-ti Peoples’ National Convention[4][5]( o daa n-nyɛla kɔbigi puuni vaabu 1.0%), Nana Appia Manu mi daa zaya n-ti lem(NDC)paati ka n-nyɛ kɔbigi puuni vaabu 17.1% , Munni Issah daa zami n-ti Convention People's Party ka daa n-nyɛ kɔbigi puuni vaabu 1.5% n-ti pahi Ben Owusu Boadu daa n-nyɛ kɔbigi puuni vaabu 0.3% ninvuɣ shɛb ban daa niŋ la la piibu piibu maa ni.[4][5]
Yuuni 2008 la, o daa lahi di nasara Ghana piibu piibu maa ni n-ti wɔbigi paati la la yaɣili maa yaha. [9][10]O yaɣili maa daa pahi la jintɔri kuɣsi 34, kuɣsi 39 puuni din daa di nasara n-ti wɔbigi paati Ashanti tudu yaɣili. Wɔbigi paati n daa n-nyɛ jintɔri ban bi galisi jintɔri duu ni kalinli din daa yiɣisi 109 jintɔri kuɣsi, jintɔri kuɣsi 230 puuni.O daa di la jintɔri kuɣ maa ni kalinli din daa yiɣisi 46,605 (kɔbigi puuni vaabu 63.87%) kalinli din daa yiɣisi 72,973 puuni.[10] [11]O daa di la nasara maa ka chɛ Chogkureh Christopher ŋun daa zani n-ti lem(NDC)paati n-ti pahi Yaw Frimpong ŋun daa za o gama la. Bɛ daa n-nyɛla kɔbigi puuni vaabu 17.07% ni 19.06% ban daa niŋ la la piibu piibu maa ni.[11][10][12]
Yuuni 2012 la, o daa lahi di piibu piibu maa n-ti wɔbigi paati la la yaɣili maa yaha. [13][14]O daa dimi ni kalinli din daa yiɣisi 27,456(kɔbigi puuni vaabu 59.88%) kalinli din daa yiɣisi 45,849 puuni . [14][13]O daa di la nasara ŋɔ ka chɛ Anthony Bernard Ansah ŋun daa zaya n-ti lem(NDC) paati, Kwadwo Amponsah mi daa zami n-ti Progressive People's Party ni Dickson Osei-Asibey ŋun daa zaya o gama la. Bɛ zaa daa n-nyɛla kɔbigi puuni vaabu 18.2%, 0.84% ni 21.08% ninvuɣ shɛb ban daa niŋ la la piibu piibu maa ni. Bɛ daa lahi yina n-ti piigi Benito yuuni 2016 mini 2020 Ghana piibu piibu la ni n-zaŋti 7th ni 8th Parliament of the Fourth Republic Ghana.
Maŋ biɛhigu mali niŋ
Owusu nyɛla dolo dolo nira ka nyɛ Anglican Church nira. O mali paɣa ni bihi ata (3).[1][2]
Kundivihira mali niŋ
- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 "Furniss, Gill, MP (Lab) Sheffield, Brightside and Hillsborough, since May 2016", Who's Who, Oxford University Press, 2016-12-01, retrieved 2023-04-29
- ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 2.14 Taylor, April (2016-08-24). "Ocean Shipping Container Availability Report, August 24, 2016".
- ↑ 3.0 3.1 3.2 3.3 3.4 3.5 3.6 (1963-05) "PARLIAMENT IN REPUBLICAN GHANA". Parliamentary Affairs. DOI:10.1093/oxfordjournals.pa.a054022. ISSN 1460-2482.
- ↑ 4.0 4.1 4.2 4.3 4.4 4.5 4.6 Agyemang, Mavis Asantewaa (2020-02-29). "The Impact of the Ghana School Feeding Programme on School Enrolment, Retention and Attendance in the Atwima Nwabiagya Municipal in the Ashanti Region of Ghana". The International Journal of Humanities & Social Studies 8 (2). DOI:10.24940/theijhss/2020/v8/i2/hs2002-001. ISSN 2321-9203.
- ↑ 5.0 5.1 5.2 5.3 5.4 5.5 Jones, Stephen (2005-06). "Presidential and parliamentary elections in Georgia, 2004". Electoral Studies 24 (2): 303–311. DOI:10.1016/j.electstud.2004.10.005. ISSN 0261-3794.
- ↑ "White, Aubrey, (died 14 July 1915), Deputy Minister Lands, Forests, and Mines, Province of Ontario, Canada, from 1883", Who Was Who, Oxford University Press, 2007-12-01, retrieved 2023-04-29
- ↑ "Voting, Counting and Results", Ghana Presidential and Parliamentary Elections, 7 December 2012, Commonwealth, pp. 26–37, 2013-03-12, ISBN 978-1-84859-154-7, retrieved 2023-04-29
- ↑ "Frontmatter", Demilitarizing Politics, Lynne Rienner Publishers, pp. i–iv, 2005-01-01, retrieved 2023-04-29
- ↑ "Frontmatter", Demilitarizing Politics, Lynne Rienner Publishers, pp. i–iv, 2005-01-01, retrieved 2023-04-29
- ↑ 10.0 10.1 10.2 Agyemang, Mavis Asantewaa (2020-02-29). "The Impact of the Ghana School Feeding Programme on School Enrolment, Retention and Attendance in the Atwima Nwabiagya Municipal in the Ashanti Region of Ghana". The International Journal of Humanities & Social Studies 8 (2). DOI:10.24940/theijhss/2020/v8/i2/hs2002-001. ISSN 2321-9203.
- ↑ 11.0 11.1 Banse, Frauke (2015), "Wess Brot ich ess, des Lied ich sing? Gewerkschaften in Ghana und Benin und die Förderung der Friedrich-Ebert-Stiftung", Globale Krisen - Lokale Konflikte?, Nomos, pp. 73–92, retrieved 2023-04-29
- ↑ "Frontmatter", Demilitarizing Politics, Lynne Rienner Publishers, pp. i–iv, 2005-01-01, retrieved 2023-04-29
- ↑ 13.0 13.1 "Frontmatter", Demilitarizing Politics, Lynne Rienner Publishers, pp. i–iv, 2005-01-01, retrieved 2023-04-29
- ↑ 14.0 14.1 Turner, Barry (2012), "Friedrich Ebert Foundation (Friedrich-Ebert-Stiftung; FES)", The Statesman’s Yearbook, London: Palgrave Macmillan UK, pp. 76–76, ISBN 978-0-230-36009-9, retrieved 2023-04-29