Tukari (Kuuka) nyɛla Dagbamba ʒiɛ' gbana viɛla ni zaɣ' yini ka nyaɣisi pam. Ʒiɛ' gbaŋ ŋɔ nyɛla tia din yuli booni tua vari. Lala tua ŋɔ vari ka paɣiba bɔrina nti dɛli ka di kuui ka bɛ toli ka di bi. Bɛ yi toli naai, bɛ kɔhiri li mi ka di bala.

Yaha, tukari ni tooi lahi nyɛ va' maha ka bɛ zaŋ li duɣi ʒiɛri. Lala ʒiɛri ŋɔ, Dagbamba booni li tukari maha. Bɛ yi duɣi li ka kanwa wum li, di yi zani biɛla di moorimi.

Bɛ yi duɣi tukari kuma bee zaɣ' maha, di zaa nyɛla ŋan sala ka be vulo.

Tukari ni duɣuri shɛm. mali niŋ

paɣa yi bɔri ni o duɣi tukari ka di nyaɣisa, din ŋuna di tu ni o bɔla ʒiɛkuri kamani; kpaligu, yalim, zahim nti pahi tukari maa maŋmaŋa.

Paɣa yi laɣinsi ŋanima naai, o ni tam duɣu daaŋga ni ka niŋ kɔm niŋ, kom maa yi ti kpeera ka o to kpaligu ni naanzua, ni zahim na nti yuɣisi. Di gba yi kpeena, ka o to tukari kuma maa di bi ka o zaŋ na nti daai. Di tu ni o daa li saɣisi ka pa lala di ni niŋ vulo n-kɔŋ dibu. Di yi kpee bela na, ka o niŋ yɛlim bahi n-saɣisi ka di bi ʒeegi. Amaa, di tu ni zahim maa mini kpaligu maa wum viɛnyɛla din yɛn che ka di nyaɣisa.

Kundivihira mali niŋ