Sulemana Abdulai

E-Class

Sulemana Abdulai (ka niriba pam lee mi o Dr. Mubson) nyɛla asanza nira ŋun yi Dagbaŋ na. Bɛ dɔɣi o la Saɣinarigu ka o lee zooi Savelugu. Ŋuna n-nye suhudoo bomma nangban' yini laɣingu shɛli din yuli booni Dagbaŋ Forum la zuɣulana.

Piligu

Bɛ dɔɣila Dr. Mubson la Saɣinarigu ka o lee zooi Savelugu. O ba n-daa nyɛ Saɣinari Naa Abdulai. O ba maa dila Banvum, n-yi ni di Saɣinarigu, n-ti lahi yi ni di Savelugu. O ma mi n-daa nyɛ Abibata.

O salalantaba n-nyɛ Looya Mumuni ni Saɣinari Naa ŋun na dir' ŋɔ. O malila paɣa ni bihi ata; bɛ zaa nyɛla bipuɣinsi

Baŋsim Bobu

Tuuli, o daa chaŋla " Savelugu primary School", Ka daa lahi chaŋ "Savelugu Middle" school. O daa bi zani ni ka lahi chaŋ "Bawku Secondary School", ka daa lahi tuɣi o baŋsim bɔbu n-daa lahi kpuɣi napɔŋ chaŋ "Tamale Secondary School". Dr. Mubson daa kpuɣi la napɔŋ n-ti lahi lu Kumahi (Kumasi) karimzɔŋ karili beni ka bɛ booni li "Kwame Nkrumah University of Science and Technology" n-daa karim baŋsim yaɣishɛli beni ka bɛ booni li "Land Economy". Ka daa ti lahi chaŋ "Abideen University n-daa ti dee o "Masters Degree". O daa kpuɣi napɔŋ n-ti lu gbampiɛla tingban' ni (UK) n-daa ti dee shahira gbaŋ din yuli booni "PhD" la. "Oxford University" karimzɔŋ puuni ka o daa dee "Post-Doctorate Degree" shahira gbaŋ.

Tuma

Bank for Housing and Construction ka o daa niŋ o service, n-naai ka bɛ daa kpuɣi o ni.

O lahi bɛila Ghana Civil Aviation Authority Board la ni ka lahi be Star Ghana nim Governing Council la Committee ni.

Dr. Mubson nyɛla ŋun tum Ʒe-Ngama Zuɣu Laɣingunim' (NGOs) pam. Ŋa shɛŋa n-nyɛ:

• Action Aid Ghana. Dr. Mubson n-daa ʒi li na Ghana.
• Comic Relief. Ŋuna n-daa kpa li.
• Camfed; ŋuna n-daa ʒi li na.
• GAYA Foundation.
• Steven Louis Foundation.