Salima:Yolitɛm

Salima:Yolitɛm

salinli

Yɛltɔɣ'kpani	yolitɛm
Lahibali kpani	moral, Suɣulo
Tingbani shɛli din yina	Ghana

E-Class

Do' so n-daa da loori palli n-kuna ti zaŋ zali o yiŋ sambanni. O bia ŋun yuma daa nyɛ yuma anu ni daa yina ti nya o ba loori maa, o daa bola kurugu kɔrisiri lala loori palli ŋɔ. O ba daa yuli takoro ni na n-nya bia ŋɔ ni tumdi o pɔhim shɛli maa ka o suhu yiɣisi pam. O ni daa guui yina, o zanibu n-to ka o ŋme bia ŋɔ ti luhi tiŋa ka o liɣi.

Yala nyaaŋa

Doo ŋɔ daa niŋ yomyom zaŋ bia ŋɔ chaŋ ashibiti ni ni bɛ ti yuli o daalaafee zuɣu ashee yala nyaaŋa m-bala dama o daa ti yɛn paai ashibiti maa ni bia maa daa kpimi. Kuhigu n-kani ka doo ŋɔ daa bi kuhi, ka bɛ daa yihi kum ŋɔ ti o ni o zaŋ kuli. O ni daa paai yiŋa,o daa gili bola timanima na ni bɛ ti faai o bia ŋɔ nyɛvuli ti o, amaa bɛ gba daa wolim je.

Daanaasani

Bia ŋɔ sɔɣibu nyaaŋa, doo ŋɔ daa yi o loori maa gbuni n-ti nya ka bia maa ni kɔrisi binshɛli pa o loori maa zuɣu nyɛla sabbu. Doo ŋɔ daa kurimya lihi lala sabbu maa ka di sabila n-ŋɔ, "M ba n yuri a pam, Naawuni che ka n yiɣisina n-ti da loori shɛli din gari ŋɔ n-ti a mini m ma". Doo ŋɔ daa gbanimi kuhi hali ka o nintam ti naai.