Salima:Paɣiba ata lana

salinli
Yɛltɔɣ'kpani	the man with three wives, paɣiba ata lana
Lahibali kpani	moral, polygamy
Tingbani shɛli din yina	Ghana

A-Class

Doo n-daa mali paɣiba ata, paɣiba ŋɔ zaa daa tɔhirimi n-duɣira. Dahinshɛli ka o ti yi puuni kuna zaawuni yuŋ n-ti guhi bindirigu je!

Doo mini Maliyam fiila

Doo: Maliyam. Maliyam ka dundɔŋ maa ni?

Maliyam: Naaaaaa. M beni.

Doo: Yimina.

Maliyam yina n-ti gbani

Doo: Wula ka zuŋɔ di mali ti paai n-ŋɔ ka yi na bi yihi m bindirigu na?

Ka Maliyam fo

Doo: Ka a ni shini ŋɔ?

Maliyam: Naawuni deemi suhigu, zuŋɔ ti bi tooi deeee.n-duɣi.

Doo: Yi bi tooi niŋ boo?

Doo yiɣisi ʒini

Doo: Bɔ zuɣu?

Maliyam: Zuŋɔ maa ŋuna di bi mahimi n-ti ti. Di pun bi maha. Amaa zuŋɔ ŋun dii daami ŋari. Dama Shetu n-di duɣira, kpalaŋ pishi ni anu mi n-di gbuni o chinchini noli. Ka n gba mali pishi ni anu. Zara mi ŋun kuli ʒila o nuhi pia, naba pia. Hali o chaŋla o beli sani gba ni o ti nya o ni nya shɛli, ka o beli mi ti ka yiŋa. Ti kpalaŋ pihinu maa mi ku tooi niŋ a ya m-biɛra.

Doo: Ka daɣila di zuɣu ka yi bi duɣi maa? Zara ni bi tɔhi maa zuɣu ka yi bi duɣi maa bebo? O be ya? Zara maa be ya?

Maliyam: O be dundɔŋ ni.

Doo: Bolimi o. Hmmmmmcha! A ni baŋ bihi ŋɔ yaa. Nini biɛri ŋɔ nima.

Doo mini Zara fiila

Zara: N-nyɛ ma.

Doo: Ka n yɛlimi ni m bi nya a? Bee zom n-nyɛ ma? Bɔ zuɣu ka a bi tɔhi ka yi duɣi zuŋɔ?

Ka labi o nini kpaŋa
Zara bi yɛri shɛli

Doo: Pa nyini ka m bɔhiri maa? Birigu n-nyɛ a? Yɛ bɔ zuɣu ka a bi tɔhi zuŋɔ? Bee a tɛhila a ba yiŋa ka a be maa? Ka a haayila yili ŋɔ beni maa?

Zara: M bi zaɣisimi, Naawuni deemi suhigu. Zuŋɔ n ka ni yɛn gbaai shɛm. Dama n dagansi ŋɔ nia ka n di mali, di mi bi da.

Doo: Tɔ nyini, Nyini, Tɔ! A jira kpilikpili ka daankpelinsi. Chɛ ka zuŋɔ niŋ a bahigu.

Bahigu

Doo: N yi ti lahi yi puuni kuna ka duɣili bi duɣi, ka m bɔhi ka bɛ yɛli ni so m-bi tɔhi, heeeeeja, saŋfirila, di lan' bim ku mali piɛbbu. Di lan' ni kuli o yiŋa dindali. Yiɣisimi ya ŋmaligi ha! Woofi nima.

Paɣaba: Naawuni deemi suhigu.

Yɛm golinga

A tɛhiya ni doo ŋɔ mini o paɣiba maa biɛhigu nyɛla bɔ? Sabimi niŋ kpe.