Robert Mugabe

Robert Mugabe nyɛla Zimbawe siyaasa nira ŋun nyɛ doo. Bɛ dɔɣi o la silimiin goli February biɛɣu pishi ni yini,yuuni 1924 (21st,February, 1924). O niŋ la Prime Minister zaŋti Zimbabwe yuuni 1980 zaŋ chaŋ yuuni 1987,1987,ka naan niŋ di tiŋgbani zuɣulana yuuni 1987 hali ni yuuni 2017.O daa lan nyɛla ŋun niŋ Zimbabwe African National Union (ZANU) kpɛma yuuni 1975 zaŋ chaŋ yuuni 1980 ka zani jinamu ti ZANU – Patriotic Front (ZANU–PF), yuuni 1980 zaŋ chaŋ yuuni 2017. Bɛ dɔɣila Mugabe fara nima daŋ ni (Shona family), di be la Kutama, Southern Rhodesia. Kutama College ka o chaŋ ti bo o shikuru baŋsim. Ka lan chaŋ University of Fort Hare, O daa nyɛla ŋun niŋ karimba, ka wuhi Southern Rhodesia, Northern Rhodesia, ni Ghana. Takahi ni nyuli daa kpe Mugabe suhuni ni o tuhi deei maŋsulinsi o ya tiŋgbanni saha shɛli gbaŋpiɛla ni daa su o ya tiŋgbani yaa. Ka o daa zaŋ o maŋ nti pahi gbansabila ban mali niya ni bɛ zabi bɛ maŋ zuɣu tooi deei maŋsulinsi. Lala zuɣu bɛ daa ti kpɛhi o la sarika yuuni 1964 ni yuuni 1974. Bɛ ni daa ti yoogi o, o daa kpuɣi la napɔŋ chaŋ Mozambique n ti niŋ ZANU kpɛma, ka daa kpuɣi niya ni tobu (Rhodesian Bush War), ni bɛ tuhi Smith's ŋun daa nyɛ gbanpiɛla zuɣulana lala saha ŋɔ o ya tiŋgbani ni. Di nyaaŋa o daa chaŋ ti zaŋ o maŋa pahi suhudoo bobu ni (peace talks) United Kingdom nima sani ka bɛ daa laɣim nam "Lancaster House Agreement", ka di daa soŋ nani kpihim tobu din daa be bɛ sunsuuni maa. Bɛ ni daa yɛn niŋ yuuni 1980 piibu piibu (general election), Mugabe daa zanimi ti ZANU-PF ka da nyɛ nasara lala piibu piibu ŋɔ ni ,ka daa leei Prime Minister, di saha ka bɛ daa labi taɣi bɛ ya ŋɔ yuli boli li Zimbabwe, ka bɛ daa lahi dei maŋsulinsi yuuni din daa doli nyaaŋga na. Mugabe daa zaŋla o ʒɛmani kpaŋsi alaafee bɔmma, shikuru baŋsim yɛligibu ni daabilim kpaŋsibu.

Robert Mugabe

ninsala

Paɣa bee doo	Doo
O ya Tiŋgbaŋ	Zimbabwe
Yuli din nyɛ a balli	Robert Gabriel Mugabe, Robert Gabriel Mugabe
Dɔɣim yuli	Robert Gabriel Mugabe
Yumaŋli	Robert, Gabriel
Daŋ yuli	Mugabe
Doɣam dabsili	21 Silimin gɔli February 1924
Dɔɣim Tiŋa	Kutama
Kpibu dabisili	6 Silimin gɔli September 2019
Kpibu shee	Gleneagles Hospital
Ŋ-ŋɔ kum	natural causes
Din tahi kum	cancer
Simsibu shee	Kutama
Ba	Gabriel Mugabe Matibiri
Ma	Amai Bona Mugabe
Tizo	Sabina Mugabe
Paɣa/yidana	Grace Mugabe
Bia	Bona Mugabe, Chatunga Bellarmine Mugabe, Michael Nhamodzenyika Mugabe, Robert Peter Mugabe Jr.
Daŋ bee zuliya	Perence Shiri
Bala yɛlibu, sabbu bee buɣisibu	Shona, Silmiinsili
Tuma	politician
Tum' baŋsim	politics
O ni be paati shɛli ni	Zimbabwe African National Union – Patriotic Front, Zimbabwe African People's Union, Zimbabwe African National Union
Candidacy in election	2013 Zimbabwean presidential election, 2002 Zimbabwean presidential election, 2008 Zimbabwean presidential election, 1996 Zimbabwean presidential election
Adiini	Roman cheechi
Zabili	First Congo War, Second Congo War
Facial hair	toothbrush moustache

E-Class

O piligu

O bilim ni (Childhood): 1924–1945

Bɛ dɔɣila Robert Gabriel Mugabe 21 February 1924 tiŋkpaŋ be Southern Rhodesia's Zvimba District ka di yuli booni Kutama Mission.O ba, Gabriel Matibiri, daa nyɛla carpenter ka o ma Bona mii nye dolodolo paɣa so ŋun wumsiri bihi bɛ tiŋkpaŋ maa ni. O ba mini o ma (Bona mini Gabriel) mali la bihi ayɔbu (six children): Miteri (Michael), Raphael, Robert, Dhonandhe (Donald), Sabina, ni Bridgette. Bɛ yila Zezuru nima zuliya ni na, Shona balli yaɣ'shɛli n nyɛba. Mugabe yab'doo daa nyɛla naa (Chief Constantine Karigamombe), ka shɛbi mi o "Matibiri", o daa nyɛla bidibikuŋ ŋun daa doli na so ŋun yuli daa booni King Lobengula,19th century saha. Mugabe daa nyɛla ŋun kpaŋdi o maŋa pam shikuru, ka mali zaɣa ni o buku nima karimbu ni nimmohi, ka bɛ zaŋ o zaɣa niŋ diɛmadiɛma yɛltoŋa ni bee o taba sani ʒinibu ni. O taba daa booni o la dabiɛm zorili, ka mali o nahinda. O ni daa karim elementary education yuma ayɔbu naai yuuni 1941, Mugabe daa nyɛ soli ni o chaŋ Kutama College ti tuɣi bohim karimba tali baŋsim. Amaa, Mugabe ma daa bi tooi nyaŋ fiisi shɛli o ni yɛn yo ka chaŋ shikuru ŋɔ, ka o yab'doo daa yo lala liɣiri ŋɔ pirigili, ka o gba da yo pirigli. Mugabe ni daa karim lala shikuru ŋɔ o daa labi ya ti wuhiri o kariŋ zɔŋ kurili ni, ka deeri o yori £2 goli/chirili kam puuni, dini ka o daa mali tabiri soŋdi o daŋ.

Mugabe University baŋsim bobu mini o karimba tali tuma: 1945–1960

Yuuni 1945-1960, Mugabe daa wuhi shikuruti pam Southern Rhodesia, di shɛli n-nyɛ Dadaya Mission school din be Shabani. Shɛhira kani wuhiri ni Mugabe daa be siyaasa tali ni lala saha ŋɔ, hali ka daa bi zaŋ o maŋ pahi yuuni 1948 ayirimo shɛli bɛ ni daa to bɛ ya tiŋgbanni ni la. Yuuni 1949 o daa nyɛ scholarship chaŋ University of Fort Hare in South Africa's Eastern Cape.Ni ka o daa zaŋ o maŋ ti pahi African National Congress youth league (ANCYL) ka daa chaŋ gbansabila bilichinnima (African nationalist) laɣiŋgu, n daa ti niŋ ningbuna ni Jewish South African communists ka o daa wuhi o "Marxist ideas".

Yuuni 1952, o daa naai university maa ka deei shɛhira gbaŋ din nyɛ "Bachelor of Arts degree in history mini English literature".Yuun gbaliŋ nyaaŋga o daa buɣisi o Fort Hare biɛhigu ni "turning point" o duniya ʒia puuni.