Leila Djansi

Leila Afua Djansi nyɛla America nima mini Ghana nima sinii yaara ŋun pili kpɛribu sinii puuni luɣ'shɛli bɛ ni boli Ghana film industry la.

O ni pili shɛm

Bɛ daa dɔɣi Leila Afua Djansi la silimin gɔli July biɛɣu pia ni ayɔpɔi dali. O ba daa nyɛla ŋun duhiri matuka yiɣirigu ka o ma mi daa dɔɣite. Djansi daa zoola India mini Ghana tingbana puuni. Dimini o ni daa nyɛ ŋun bɔri sabbu ka lahi yu sinii kpɛribu maa zaa yoli o niiya daa nyɛmi ni o lebi bɛ mi boli shɛli gynecologist, ka o daa ti cheli n bahi saha shɛli o ni daa pa n lihiri ni o lebi forensics la. Saha shɛli o ni daa bɔhimdi criminology la, o suhu daa lahi nyɛla din taɣi dɔmini, o daa nya la Ghana kpɛrikpɛrita, Sam Odoi ŋun niŋ o hali ka o ti saɣi ni o ni sabi lahabali n ti o. O yuma pia ni awei ni ka lahabali shɛli o ni daa sabi ka boli li Babina la daa lebi sinii ka di nyɛ Akwetey Kanyi ŋun daa nyɛ sinii yaari la kpaŋmaŋa ni.

Education

Djansi daa chaŋla shikuru shɛli bɛ ni boli Kabore Primary mini di JSS la, ka di nyɛ bɛ ni boli shɛli Mawuli School for primary, junior mini secondary education ka di nyɛ din be Ho, Volta Region tingbani ni ka di be Ghana.

O daa pilila sinii kpɛribu bɔhimbu luɣ'shɛli polo bɛ ni boli National Film and Television School, tɔi amaa o daa yila Ghana n chaŋ United States tingbani ni ni o ti tuɣi sinii mini talivisa zuɣu tuma bɔhimbu din nyɛ bɛ ni boli shɛli Degree la Savannah College of Art and Design puuni. Din daa ʒi o chaŋ nimaani maa nyɛla pin'shɛli bɛ ni boli on an artistic honors scholarship la.