Kwesi Nyantakyi

Kwesi Nyantakyi nyela Ghana alikaali nira, banka. ŋuni n daa nye zuɣulaan zaŋti Ghana Football Association(GFA) silimin goli 30 December yuuni 2005 hali ni silimin goli 7 January yuuni 2018. Nyantakyi daa nyela ŋun yina nti che tuma maa. Poi ka o daa naa yi ti yina n zaŋ gbaŋ ti ni o che tuma maa, FIFA daa nyela ban bahi lahibali wuhiri ni Nyantakyi yihimi o nuu ka che bolli ni di yelayela bieɣu pihiwoi, din yen che ka bi toi niŋ bi vihigu. O tuma ŋo chebu daliri daa nyela lahibali tira Anas Aremeyaw Anas ni daa bahi anfooni ka lala anfooni ŋo puuni Nyantakyi daa nye ŋun deeri gu bieri . Super Sports South Africa daa nyela ban ʒilo n bohi o bohisi poi ka bi anfooni ŋo daa nye din yina pohim zuɣu, Nyantakyi daa yiliya ni o pala ŋun tum taali sheli. Silimin goli October yuuni 2018, FIFA daa yihi gbaŋ na yeri ni Nyaantakyi yihimi o nuu ka che bolli yeltoɣa kuli mali wara. Silimin goli October yuuni 2020, bi daa nyela ban siɣisi o tibi darigibo ŋo n chaŋ yuun pinaanu dini daa niŋ ka Court of Arbitration for Sport daa labi lihi o yeltoɣa maa.

O pilli

O nyela wali paɣa ni Kamboŋ doo ŋun yi Kwaso din be Ashanti Region la di doɣi so, ka o zoogi Wa , nimaani ka o lahi pili karim baŋsim bobu.

Biehigu

Nyantakyi nyela bini daa doɣi so dolo dolo nira amaa ka o niŋ tuuba labi musulinsi ni saha sheli o ni daa paagi yuun pihinahinaapoin. Nyantakyi nyela ŋun mali paɣa Christine-Marie Nyantakyi ka o mino mali bihi ayi.

Bolli yeltoɣa

Zuɣulana zaŋti GFA

Nyantakyi daa leela zuɣulana zaŋti Ghana Football Association silimin goli 30 December yuuni 2005, o daa nyela ŋun luhi niribi ayi ,Ade Coker ni Kojo Bonsu ban gba daa yina nti kpaɣiri bori nam maa. O zuɣulaan tali ni, Ghana daa nyela ban nye nasara n chaŋ yuuni 2006 FIFa World Cup, din daa nye tuuli zaŋti tingbani maa. Ghana daa lahi nye nasara ni bi chaŋ ti ŋme yuuni 2010 FIFA World Cup din daa be South Africa ni yuuni 2014 FIFA World Cup din daa niŋ Brazil la. Ghana U-20 boliŋmeriba maa gba daa nyela ban gba di nasara U-20 World Cup yuuni 2009 . O nyela ŋun sheegi o zaasheei maa.

Zuɣulaan zaŋti WAFU

Yuuni 2011, dini daa niŋ ka FIFA daa yina ti yeli ni West African Football Union (WAFU) zuɣulaan Amos Adamu na cheli tuma, Kwesi Nyantakyi nyela bini daa piigi so ni o zani zuɣulaan maa zaani hali ka bi ti naa yi niŋ piibu piibu. Laɣingu maa ni daa niŋ piibu piibu silimin goli 31 May yuuni 2011, Mr. Nyantakyi daa nyela bini piigi so zuɣulana ni o niŋ yuma ayi. O daa nyela ŋun labi zani silimin goli November yuuni 2013 piibu piibu ni, ka di nye o ko n daa yina nti bori lala nam maa, ka daa lahi nye bini piigi so ni o lahi leegi zuɣulana yuma ayi.

Tiŋ duya bolli zuɣulaantali

Nyantakyi nyela ŋun gbibi toontali pam bolli ni. O piibu nyela din kuli yi yaɣa yaɣa, di sheŋa n nye:

• Zuɣulaan zaŋti West African Football Union Zone B.
• Football organizer at the 2012 London Olympics
• O daa lahi pahi FIFA Associations Committee
• O daa pahi FIFA Council
• Zuɣulaan paa zaŋti Confederation of African Football

Kpaŋmaŋ pina

Yuun 2012, o daa nyela ŋun pahi nivuɣu sheba ban kpaŋ di bi maŋa Ghana ni, ka bini daa boli yuya ,Nyantakyi daa dola pihita naayi.

Yeligola

Soɣinsinli vihigu din daa nyeThe Telegraph ni Channel 4 ni be sheli tooni daa nyela ban yeli ni Nyantakyi nti pahi bolli kpama sheba gba nyela ban be korinfohili ni di yi kana bolla maa ŋmebu.

Vihigu daa wuhiya ni lala bi korinfohili ŋo daa nyela din kuli jendi mabiligu bola; amaa World Cup bola la daa paa din be di puni. Nyantakyi daa nyela ŋun chihi lala yeltoɣaŋo ka daa yeli ni "lala vhigu maa nyela din bi niŋ yeli maŋli"

Silimin goli May yuuni 2018, Ghana tingbani zuɣulana Nana Addo Dankwa Akufo-Addo daa puhiya ni gbaagi Nyantakyi , domi Ghana soɣisinli lahibalitira Anas Aremeyaw Anas daa yihi vihigu sheli o ni daa niŋ na ka Nyantakyi daa nye ŋun be korinfohili niŋbu ni ka daa zaŋ Ghana tingbani zuɣulaan yuli. Ghana Deputy Chief of Staff, Samuel Abu Jinapor daa yeliya ni tigbani zuɣulani n shiri puhi ni bi gbaagi Nyantakyi, dama o daa nyela ŋun zaŋ tingbani zuɣulaan yuli n tum korinfohili tuma.

Jinapor daa yeliya, ni tingbani zuɣulana ni daa yuli anfooni maa naagi, o daa ka niŋsim pahila o puhi Criminal Investigative Department (CID) ,Ghana Police Service ni bi gbbagi Nyantakyi." O daa puhiya ni bi gbaago ka o soŋ ba ka bi vihi lala yeltoɣa maa .

Lala yeltoɣa ŋo ni din pahi pahi daa che ka Nyantakyi yina n ti che tuma silimin goli June 8 yuuni 2018, ni o pala ŋun lahi yen nye zuɣulana zaŋti Ghana Football Association. Lahibali ŋo nyela o ni daa zaŋ sheli nti dini daa niŋ ka GFA kpmaba laɣim. O tuma chebu ŋo shebi dihi tabili ni di daa chaŋ mi nti jendi FIFA ni daa na kuli yina nti yeli ni o cheli bolli tuma biɛɣu pihiwoi la,.