Kuɣu-Naa Sibɛɛ Braimah

Piligu

Kuɣu-Naa Sibɛɛ Braimah(Mma Katini dapala yԑlmanŋkpԑma yԑrigu,Buri Naa, Ӡitana namdi yԑlla katini bia,Bulinbunŋ Ӡԑ kpalimo maŋ katini bia,Gablɔrigu Naa sibԑԑ kpԑma Naa ). Kuɣu Naa Sibԑԑ Braimah nam yuuni daa lumi saɣisi  Naa Mahama lll bla ʒɛmani (Zԑnabu dapali booni kurigu,zambaa lana ni kuri ka nyina kpalim kuri ka chԑn chԑ kurigu,ka kom duri naasaba bia Ӡԑnabu bia kurigu,Diare paɣa bia).  Ndan Yaa-Naa Mahama lll daa pilla nam dibu Jankɔnŋ Yili  n yini chaŋ ti di Nasa mini Tampioŋ. Ka o daa yi Tampioŋ maa n-di Miɛŋ pɔi ka naai yi pa di Yani gbana n lɛbi Ndan Yaa-Naa nti Dagbaŋ.

Kuɣu Naa Sibԑԑ Braimah nyaaŋa, ka Kuɣu Naa AdamBangu maŋ paɣa bia Ӡiligi), n daa deei n lɛbi  Kuɣu Naa. Kuɣu Naa Sunsuuni (kurisa  paɣa bia Abudu Gbuŋbunŋ di turi babili dabaa-ayi babili yirigiya) ŋun daa nyɛ Kuɣu-Naa Sibɛɛ Braimah bikpɛm sani n daa lɛbi Kuɣu Naa din daa niŋ ka Kuɣu Naa Adam zaŋ o nuhi dihi buɣatiŋa.  Kuɣu Naa Abdulai Bla ŋun daa na dira (Doyԑlligu booni saa paɣa bia,Gbaanoo duri guŋ paɣa bia, Guma paɣa bia, sichԑԑ paɣasarili bia Abudu,ni ninsalinim ni kuli yԑri kobigi ni pia Naa gullila Naawuni yԑligu, Sibԑԑ bԑla naa nuuni,Gablɔrigu bԑla naa nuuni, Bitina namdi yԑla katini bia,Buri yԑri bԑri maana, Naa shԑ buruburu ku ŋma, Naa ŋma buruburu ku shԑ, ŋun paa nayili kun garigi moɣiliba,Na Jaato, Na Yili kpamba zaa Jaato,Napaɣaba katin bԑԑ, ŋun zabri ka doli zoo-la  Naa Abdulai bla, yԑnkpalim paɣasarili bia shԑb ban yԑli ni booyԑlligu paɣasarili bia,suɣulo mali nyɔri suli n-ka shԑli) ŋun daa nyɛ Kuɣu-Naa Adam bia n daa di Kuɣu nam din daa niŋ ka Kuɣu-Naa Sunsuuni ŋmaligi.

Nam shɛŋa din be Naa Yab Kuɣu-Naa sulinsi ni.

Baɣili(tiŋshɛli Nabipuɣiŋsi mini Nabihi ni bi gori chana )

Dipali mini Kpatuli(din be Savelugu yaɣili polo)

Kalɔli din be Gushɛɣu yaɣili

Kulkpaŋa Naya amaa ka nam maa zuɣu booni Sɔɣa Naa.

Tanyԑli,Gbaliga mini Nanduli

(Karaga yaɣili polo ).