Kadjebi-Asato Senior High School
Kadjebi-Asato Senior High School (KASEC) nyela bi'kura shikuru din be Kadjebi ni Asato sunsuni. Di bela Kadjebi District , Oti Region ,Ghana.[1][2]
Taarihi
mali niŋShikuru ŋo nyela Ghana zuɣulaan kuro Dr. Kwame Nkrumah ni daa kpa bi'kura shikuriti la ni yini , ni di soŋ ka bihi ban be lala yaɣili maa tooi bo baŋsim. Silimin goli September dabaanu dali yuuni 1959 ka bi kpa li.[1] Ghana Education Trust Fund ka bi daa doli n kpa shikuru maa ka Ghana Cocoa Board daa leei ku ariziki niŋ di mebu ni. Bi daa pili karimbihi wuhibu silimin goli January bieɣu pishiyinika dali, yuuni 1960, ka karimbihi ban daa kuli beni kalinli nye pihoyobunaayobu, ka bi zaa daa nye bidibisi.
Shikru maa daa di bi yuun pihoyobu chuɣu silimin goli November 2019.[3] Bi karimbikura laɣangu, (dini me sheli Kasec Old Students Union la) daa nyela din pili yuuni 1990s, New York ni New Jersey yaɣa din kuli be United States la. Lala saha ŋo, karimbikura ŋo daa nyela ban layindi tabi yinsi n gbaari saawaranima din yen soŋ ba ka lahi gbaari bi ni yen niŋ shem n tooi soŋ bi shikuru maa.[4] Silimin goli February 2009, karimbikura ŋo sheba ban daa be New York yaɣili maa daa nyela ban boli taba tangalimia zuɣu , ka daa ti kpa KOSU- Global Organization (Shikuru maa karimbikura duniya yili laɣangu).
Karimbakpamba
mali niŋ| Yuli | Saha sheli O ni pili | saha sheli o ni naagi |
|---|---|---|
| A. D. Addo Yobo | 1960 | 1965 |
| S. K. Afari | 1965 | 1972 |
| J. B. Yegbe | AG | |
| H. K. Owusu | 1973 | 1981 |
| E. K. Gawu | 1981 | 1984 |
| E. K. Kokorokoi | 1984 | 1986 |
| I. K. Cudjoe | 1986 | 1996 |
| Mr F.K Korwu | 1996 | 2003 |
| Mussah Yamba Issahaku | 2003 | 2009 |
| Thomas Fourdjour-Ababio | 2009 | 2017 |
| Gideon Tay[5] | 2017 | 2020 |
| Daniel K. Lenwah (SVD)[6] | 2020 |
Karimbihi yigbera
mali niŋkarimbihi yigbera nyela di baa ayobu, ka bi zaŋ niriba ban mali nuui timbu shikuru maa zoosim ni yuya n ti yiya maa.
Akompi House nyela bini zaŋ Nana Akompi Finam I, ŋun daa nye naa (Omanhene ) zaŋti Kadjebi-Akan yaɣili, di ni niŋ ka o daa kpaŋ o maŋa n che ka shikuru maa zani o tingbani ni la.
Konsu House. Konsu nyela moɣili din be shikuru maa ni Asato sunsuni, din zori kperi Dai moɣili ni, ka nye luɣi sheli karimbihi maa ni nyeri kom.
Addo-Yobo House, nyela bini zaŋ shikuru maa tuuli karimbakpema yuli nti sheli, din wuhiri o kpaŋmaŋ zaŋ kpa shikuru maa gibbu polo.
Baŋsim yaɣa
mali niŋShikuru maa wuhiri baŋsim yaɣa kamani :
- General Arts
- General Science
- Home Economics
- Visual Arts
- General Agriculture[7]
Karimbikura
mali niŋ- Rashid Bawa, Ghana jintori kuro
- John Kwadwo Gyapong, Ghana siyaasa nira
- Clemence Jackson Honyenuga, Justice zaŋti Supreme Court of Ghana (2020-2023) ni nazuɣu zaŋti Nyagbo yaɣili
- Joseph Kwadwo Ofori, Ghanaian siyaasa nira
Kundivihira
mali niŋ- ↑ 1.0 1.1 Kadjebi-Asato Senior High.
- ↑ Kadjebi-Asato Senior High School.
- ↑ Kadjebi Asato Senior High 60th Anniversary Is Coming Soon. - KASEC 60th Anniversary Celebration Part 1.
- ↑ Alumni & Friends. Kadjebi-Asato Secondary School.
- ↑ Mornah, Kennedy (2019-11-28). Kadjebi Asato SHS Headmaster cries out; says female students are consuming too much 'wee' toffee.
- ↑ Graduating students of Kadjebi-Asato SHS urged to be good ambassadors (2020-09-01).
- ↑ Kedjebi-Asafo Sec > MEMBER | Ghana Schools Online.