Christine Lagarde
Christine Madeleine Odette Lagarde (fr; Tɛmplet:Née, fr; bɛ ni m daa n dɔɣi do silimin gɔli January dahin yini dali, yuuni 1956 puuni la) nyɛla French nima siyaasa nira n ti pahi alikaale ŋun nyɛ President of the European Central Bank tum yuuni 2019 la puuni . Ŋuna n daa na n-nyɛ the 11th Managing Director n-ti International Monetary Fund (IMF) bin din n gbaai yuuni 2011 la puuni hali ni yuuni 2019 puuni. Lagarde lahi nyɛla ŋun daa n pahi ka mali kpaŋmaŋa Government of France, puuni di bahi n bahindi o ni daa n-nyɛ Minister of the Economy, Finance and Industry la bin din n gbaai yuuni 2007 la ni hali ni yuuni 2011 puuni. Ŋuna n-nyɛ tuuli paɣaba puuni ŋun tooi n paai lala zaashehi ŋɔ.[1]
O nyɛla bɛ ni n dɔɣi ka n wumsi so Paris tingbani puuni. Lagarde daa n naai la law school shɛli din n be Paris Nanterre University la ka daa n yina ni Master's degree Sciences Po Aix puuni. Bɛ ni daa n kpuɣi o n niŋ Paris Bar puuni n naai, o daa chaŋmi n ti n pahi bɛ ni n boli shɛba ni the international law firm Baker & McKenzie shɛli din daa n-nyɛ laɣingu yuuni 1981 puuni nima la zuɣu ka daa n niŋ o bɔhimbu labor and anti-trust di bahi n bahindi mergers and acquisitions gba puuni. Ŋanima puuni, o daa lahi n nyɛla ŋun lahi n pahi bɛ ni n boli shɛba ni the executive committee la shɛba ban daa n be firm maa puuni bin din gbaai yuuni 1995 la ni hali ni yuuni 1999 puuni pɔi ka bɛ daa ti naain n yi n piigi o ka o lebi di Chair yuuni 1999 la mini yuuni 2004 la ni sunsuuni; ŋun daa lahi n-nyɛ tuuli paɣa lala zaashehi maa puuni. O daa nyɛla ŋun mali zaashee karili naɣila saha shɛli puuni o ni daa ti n piigi ni o n kpɛhi o maŋa salo yɛltɔɣa puuni la.
Lagarde daa labila France tingbani puuni saha shɛli bɛ ni daa n piigi o ka o lebi ninvuɣ'so bɛ ni n boli ni Minister of Foreign Trade bin din n gbaai yuuni 2005 la ni hali ni yuuni 2007 puuni la ka daa n ti lebi Minister of Agriculture and Fisheries di nyaaŋa bin din gbaai silimin gɔli May la hali ni silimin gɔli June, yuuni 2007 puuni ka daa ti lahi n bahindi n lebi minister of finance bin din n gbaai yuuni 2007 la ni hali ni yuuni 2011 puuni ka ŋa puuni o daa lahi n-nyɛ tuuli paɣa so ŋun daa n nya lala finance portfolio zaashee maa Group of Eight economy kam puuni. O namkuɣu ʒee puuni, Lagarde daa pun n daɣ'mi n nya gɔmdanti maa ni daa yɛn n yuli 2007–2008 financial crisis, la zuɣu shɛm ka di daa n che ka Financial Times la n zaŋ o ka o lebi the best finance minister lala Eurozone maa puuni.[2]
Silimin gɔli July dabaa anu dali, yuuni 2011 puuni, o daa n nyɛla bɛ ni n piigi so ni o zani Dominique Strauss-Kahn zaashee n lebi managing director n-ti ʒengama laɣingu shɛli bɛ ni n boli ni IMF la yuma anu puuni.[3][4][5] Bɛ ni daa n piigi o shɛli zuɣu n daa n-nyɛ bɛ ni n boli shɛli ni the 11th consecutive appointment of a European ŋun daa yɛn n-nyɛ IMF toondana la.[6] O daa lahi nyɛla consensus nima la ni daa n lahi n piigi so ni o lahi n niŋ yuma anahi yaha ka din daa nyɛ din daa yɛn n pili silimin gɔli July dabaa anu dali, yuuni 2016 puuni ka daa n-nyɛ ninvuɣ'so ko bɛ ni daa n piigi n ti lala zaashee maa.[7] Silimin gɔli December, yuuni 2016 la puuni, bɛ ni n boli shɛba ni a French court nima la daa nyɛla ban n kpɛhi o sarika o ni daa n niŋ n baɣa ka zaŋ kpa o zaashee Bernard Tapie arbitration puuni la,[8] amaa bɛ daa lee n bi zali o mara di zuɣu. Lagarde daa n chela tuma tumbu IMF puuni ka di nyaaŋa ka bɛ daa n piigi o ECB toondana bee zuɣulana.
Yuuni 2019, 2020, 2022 n ti pahi yuuni 2023 puuni, Forbes daa n duhi o mi chaŋ di World's 100 Most Powerful Women listla kalinli dibaa ayi puuni.[9][10][11]
O piligu biɛhigu mini shikuru baŋsim
mali niŋO tuma
mali niŋKundivihira
mali niŋ- ↑ Hope, Katie (12 July 2019). Christine Lagarde: The 'rock star' of finance (en-US).
- ↑ From Ralph Atkins; Andrew Whiffin; FT reporters (16 October 2009). "FT ranking of EU finance ministers". Financial Times. http://www.ft.com/cms/s/0/3f36c9c4-d2d0-11de-af63-00144feabdc0.html.
- ↑ A chirim ya: Invalid
<ref>tag; no text was provided for refs namedappointment-IMF - ↑ "Lagarde wins IMF top job, presses Greece on crisis". Reuters. 28 June 2011. https://www.reuters.com/article/us-imf-idUSTRE75Q60H20110628.
- ↑ "Christine Lagarde named IMF chief". BBC News. 28 June 2011. https://www.bbc.co.uk/news/business-13951950.
- ↑ IMF Managing Directors. IMF (28 June 2011).
- ↑ "IMF's Lagarde re-elected to second term". Deutsche Welle. Reuters, AFP. 19 February 2016. http://www.dw.com/en/imfs-lagarde-re-elected-to-second-term/a-19061862.
- ↑ IMF head convicted of criminal charges over massive government payout (en) (19 December 2016).
- ↑ The World's Most Powerful Women 2019 (en).
- ↑ The World's 100 Most Powerful Women 2020 (en).
- ↑ BURHO", "MOIRA FORBES AND MAGGIE MCGRATH WITH NICOLETTE JONES AND ERIKA. The World's Most Powerful Women 2023 (en).