Yurilim

yurilim

Bɔ lee nyɛ yurilim?

Yurilim nyɛla din be suhu ni

Ka ka noli zuɣu

Ka di timsi ŋmani kuɣ'nyani

Di ʒi daŋ bee simli

Di chanila di ni bori so sani

Ka bɛ ni bori li shɛli

Yurilim

Bɔ lee nyɛ yurilim?

O nyɛla ŋun bi chani bɛ ni bori o shɛli

Ka bela bɛ ni jɛ o shɛli polo

O yihiri zuliya bundana mini nandana sunsuuni na

Ka che ka bɛ puhima yoori taba

Ŋuni n ŋmɛri o yili n- tiri o ni be shɛba sunsuuni

N malindi bɛ shɛba

Ka saɣindi bɛ shɛba

Yurilim?

O nyɛla ŋun ʒi paɣa bee doo

Bia bee ninkurugu

Nachinpolli bee paɣ'sarpolli

O bi mi bundana bee nandana

O mii bi mi adiini bee zuliya zalisi

Naɣila ŋun maŋmaŋa zalisi

Yurilim?

Yurilim nyɛla din gari Alizini n be daadam suhu ni

N zomdi o nina ka ŋariti o tiba

N maari o suhu ka kuri vi o nini ni

Ka che ka o bi lahi mi o maŋ yɛla

O yibu dali biɛrim ŋmanila paɣa dɔɣim saha

Salinima ni ŋuni n ka ka bɛ ka

Ka o yiri ni suhu kabbo ni nintam

N yiri ni walisa ni daanasani