Yaan nabi tinsi salima

Di ni tu ni niri baŋ shɛli kpe nyɛla, niri yi lihi tinsi maa pubu maa ni, Yaan nabihi ni diri tiŋ shɛŋa n-galisi pam, ka di shɛŋa beni ka di nyɛla paɣiba n-diri ŋa. Daliri shɛli din mi che ka paɣiba ti diri ŋa nyɛla, di shɛŋa beni ka di nyɛla Naa Nyaɣisi ni daa piiri o bihi maa ʒiini maa ka o daa piigi o bipuɣinsi ʒili lala tinsi maa ni, ka di zuɣu che ka lala tinsi maa din dii lɛbi nabipuɣinsi ni diri tin shɛŋa. Tɔ amaa, Kpamba yɛliya ni tin shɛŋa beni ka nabipuɣinsi diri ŋa ka di nyɛla niŋsim shɛŋa n-daa niŋ ka bɛ zaŋ ŋa liɛhi paɣiba nama, ka pa ni Naa Nyaɣisi ni daa tuhi fa shɛŋa maa. Lala n-nyɛli ka yɛlishɛli di ni tu ni di neei kpe nyɛ kadama, bɛ ni yɛri ni Naa Nyaɣisi bihi ma, pa bɛ zaa n-daa dii nyɛ o maŋmaŋa bidɔɣirisi, tɔ amaa, o ni daa laɣim tɔbbihi shɛba na ti pahi o bihi zuɣu maa ka bɛ daa booni o bihi maa. Ka di nyɛla kadama, o ni daa yi tuhiri maa, o yi tuhi nyaŋ tin shɛli, ka o gbaai o tɔbbia n-leegi o nam ʒili lala tiŋ maa ni. Lala maa ka o daa niŋ hali ti fa Dagbaŋ ka Dagbaŋ nam naan yi lɛbi nam. Lala n-lahi nyɛ li ka Duko Lunnaa mini Luŋ Fusheini yɛli, ni pa Yaan nabihi ni diri tin’ shɛŋa maa zaa n-nyɛ Naa Nyaɣisi mini o bihi maa ni daa ŋme n-fa shɛŋa. Bɛ wuhiya ni hali tinshɛŋa o ni daa ŋme n-fa maa shɛŋa beni ka saha shɛli o ni daa ŋmɛri fari ŋa maa ka di nyɛla lala tinsi maa yuya n-daa beni, amaa tinsi maa din maŋmaŋ daa na kani. Dinzuɣu tinshɛŋa beni ka Yaan nabihi diri li ka di nyɛla nyaaŋa na ka lala tinsi maa nam. Bɛ lahi wuhi, ni hali tinsi beni zuŋɔ dabisili ŋɔ ka Yaan nabihi diri li ka niriba pam bi mi lala tinsi maa yɛla. Teebuli 1 din be gbunni ŋɔ wuhirila Yaan nabihi ni diri tin’ shɛŋa maa ni shɛŋa ni ŋa salima ni nyɛ shɛŋa.

TIŊA YULI	NAA YULI	TIŊA SALIMA
Fuyaa	Buɣisi n-chirigi	Fuyaalana Buɣisi n-chirigiba Naa Nyaɣisi Pakpaŋ Kachɛɣu
Gaa	Tuuivɛliga	Gaalana Tuuivɛligiba Naa Nyaɣisi bia
Kariga	Beemoni	Karinaa Beemoni Naa Nyaɣisi bia
Tong	Zoya	Tonglan nyɛ zoya Naa nyaɣisi bia
Vubilɔɣiri		Tonglana Vubilɔɣiri Naa Nyaɣisi bia
Sung	Maliyɔɣiri	Sunglana maliyɔɣiri Naa Nyaɣisi bia
Pishigu	Zobaɣisi	Pishigulana Zobaɣisi Naa Nyaɣisi bia
Nyong	Kuchirigi	Nyonglana Kuchirigiba Naa Nyaɣisi bia
Bagurugulana	Bimbarigu	Bagurugulana Siɣirinɔŋba Naa Nyaɣisi bia
Gɔɣu	Tinkurugu	Gɔɣulana Tinkurugu Naa Nyaɣisi bia
Tamaligu	Gooizabili	Tamaligulana Gooizabili Naa Nyaɣisi bia
Kuligolima		Tamaligulana Kuligolima Naa Nyaɣisi bia
Nakpanzoo	Malimaŋa	Nakpanzoolana Malimaŋa Naa Nyaɣisi bia
Tibung	Sinnolo	Tibunglana Sinnolo Naa Nyaɣisi bia
Nyinbung	Gogbana	Nyimbungnaa niŋ Gogbana Naa Nyaɣisi bia
Saakpili	Dundɔŋ	Saakpililana Dundɔŋ Naa Nyaɣisi bia
Pigu	Zarikpaba	Pigulana niŋ Zarikpaba Naa Nyaɣisi bia
Zoosali	Yɔbilɛra	Zoosalilana Yɔbilɛra Naa Nyaɣisi bia
Diyary	Shɛliŋ
Kambaŋa
Zuushirigu		Diarylana Shɛliŋba Naa Nyaɣisi bia
		Diarylana Nyiŋ Kambaŋa Naa Nyaɣisi bia
		Diarylana Zuushirigu Naa Nyaɣisi bia
Dipali	Daŋʒia	Dipalilana Daŋʒia Naa Nyaɣisi bi
Siŋa	Lariyɔɣu	Siŋlana Lariyɔɣu Naa Nyaɣisi bia
Zoya		Siŋlana Zoya Naa Nyaɣisi bia
Dalung	Bandaaʒi	Dalunlana Bandaaʒi naa Nyaɣisi bia
Lingbung	Tuuzabili	Ligbunglana tuuzabili Naa Nyaɣisi bia
Diŋŋɔɣu
Kasuliyili	Shɛliŋ	Kasulilana Shɛlimba Naa Nyaɣisi bia
Tibung	Lundu	Tibunglana Lunduba Naa Nyaɣisi bia
Vogu	Naawoli	Vonaa niŋ Naawoli Naa Nyaɣisi bia
Sagnarigu	Duŋkurigu	Sagnarigulana niŋ Duŋkurigu Naa Nyaɣisi bia
Gbulung	Lukpaa	Gbulunglana Lukpaa Naa Nyaɣisi bia
Zangbaliŋ	Burizambu	Dalunlana Burizamba Naa Nyaɣisi bia
Kumbungu	Bimbiɛm	Kumbun’ naa niŋ Bimbiɛm Naa Nyaɣisi bia
Zuɣu	Waa	Zuɣulana n-nyɛ waa Naa Nyaɣisi bia
Kpalin	Kpalindiyalim	Kpalinlana Kpalindiyalim Naa Nyaɣisi bia
Mɔɣilaa	Dakagu	Mɔɣilaalana niŋ Dakagiguba Naa Nyaɣisi bia
Savelugu	Biyoo	Savelugulana yoo yobarili, fulwaɣili naa, dingambo naa.
Tampiŋ	Kpimbee	Tampiŋlana kpimbee Naa Nyaɣisi bia
Zɔɣu	Zogbee	Zɔɣulana Zogbee Naa nyaɣisi bia
Nanton	Bataŋ	Nantonnaa Bataŋ Naa Nyaɣisi bia
Nyoligu	Faambuli	Nyoligulana Faambuli Naa Nyaɣisi bia
Yamokariga	Kalatuuli	Yamokarigalana kalatuuba Naa Nyaɣisi bia
Galiwee	Fɔŋ	Galiweelana niŋ fɔŋ Naa Nyaɣisi bia
Tijo	Kparigu	Tijolana niŋ kparigu Naa Nyaɣisi bia
Tuɣu	Saɣiŋmani	Tuɣulana saɣiŋmani Naa Nyaɣisi bia
Saŋ	Zoya	Saŋlana niŋzoyaba Naa Nyaɣisi bia
Zanduli	Duŋguhigu	Zandulilana niŋ duŋguhigu Naa Nyaɣisi bia
Kpatiŋ	Daŋdaŋ	Kpatiŋlana daŋdaŋba Naa Nyaɣisi bia
Sunsɔŋ	Buɣuyɛligu	Sunsɔŋlana buɣuyɛligiba Nyaa Nyaɣisi bia
Kɔrili	Kayiŋbaɣiya	Kɔrililana kayiŋbaɣiya Naa Nyaɣisi bia
Mion	Kurisabi	Mionlana kurisamba Naa Nyaɣisi bia
Gukpɛɣu	Tulebi	Gulkpe naa Tulԑbi Naa Nyaɣisi bia
Banvim	Tiŋpili	Banvimlana Tiŋpili Naa Nyaɣisi bia
Namburigu	Namtariya	Namburigulana Namtariya Naa Nyaɣisi bia
Sakulo	Zaŋgɔbili	Sakulolana Zaŋgɔbili Naa Nyaɣisi bia
Wɔrivi	Monyoo	Wɔrivilana Monyoo Naa Nyaɣisi bia
Kpunkpono	Dakahigu	Kpunkponolana niŋ Dakahigu Naa Nyaɣisi bia