Yɛltɔɣitaɣimalisi- Daliri Yidana

E-Class

Tuuli Yaɣili

N tuzopaɣa Timma zaɣa Di niŋ fawaɣili n-ti tum Nyin kuli mirimi n-cho din maha gbum Ka tam ni luɣushɛŋa maha ka nyɛ vum Yulimi la luɣushɛli a ni yɛn paai n-ti pum Ka a bihi ti ku kum Ka nyini maŋ-maŋa suhi maai bɔm Ka a tɔm nya gɔm

Yaɣili din pahiri ayi

N tuzopaɣa Timma zaɣa Do'so biɛni yaa ŋuna ka a yɛn kuli ka a nyɛvuli tɔŋ Ŋuna ka a mi yuuni zaɣ'nyɔŋ Dama o zuliya ka gbaŋ Ayei! Bo n-niŋ ka a bi baŋ Ŋarimi a nyee ka gbaai a daliri chaŋ

Yaɣili din pahiri ata

N tuzopaɣa Timma zaɣa Do'so biɛni yaa Ŋuna ka a yɛn kuli ka tooi nam alibarika zuliya Ŋuna ka a mi yahiri ka ba'yinyaa Dama o nɔrila tiŋa n-kani na a ya Chɛli zinchili yaa Ŋuna n-nyɛ a daliri maa yaa

Yaɣili din pahiri anahi

N tuzopaɣa Timma zaɣa Do'so biɛni yaa Ŋuna ka a yɛn kuli ka a daashili liri Ŋuna mi n-nyɛ a ni ŋmari so ʒiri Dama biɛhigu ŋme o mi n-furi Ayei! Bo n-niŋ ka a yuuni liɣiri Yimina n-kari gbaai a daliri Ka che zinchili

Yaɣili din pahiri anu

N tuzopaɣa Timma zaɣa Do'so biɛni yaa Ŋuna ka a yɛn kuli ka mali suhudoo Ŋun ka a mi yuuna ka o timsim bi paai zoo Dama o nyɛla Naawuni ni dahim so Bɔmi la ŋun ni ku a noo Pa ŋun mali noo Chɛli zinchili ka zaŋ o n-lɛbi a suhini goo

Kpaliŋkpaa yaɣili

N tuzopaɣa Timma zaɣa Pa piɣi-piɣi n-nyɛ salima Pa nyaɣila n-nyɛ tim Sɔŋmi a nina tiŋa A daliri maa ʒi a tooni Baligim a napɔŋ chanda Di ti chaŋ n-yaɣi a daliri zuɣu Tiɛhimi poi ka naan'yi gbaagi Di ti gbaai n-ziŋ Kookali lan' n-wumdi jebɔbigu kumsi