Yɛlitɔɣitaɣimalisi: Azali
E-Class
| Yaɣ sheli | poem, last words  |
|---|---|
| Zuliya wuhibu | 辞世, 사세구, 절명시, 임종게, 絕命詩 |
Biɛɣu yi kuli neera
Ka yuŋ zibira
Dabisili kanna
Ka a ni neei biɛɣu
Ka ku zib' yuŋ
Bee ka a nya yuŋ
Ka ku kaai biɛɣu
A daazali dali m-bala
Dabisi' shɛli vuhirigu kam ni yɛn paai
Azali!
Solɔɣu, din kuni Zaayili
Di ka lɔɣibu
Shɛb' din dolila gamo
Ka shɛb' mi din doli doro
Shɛb' mi ban azali bi doli shɛli
Amaa zaa ni kuli
Yu' taɣira
Adambi' n-yi nya o azali
Ka yɛlli kam din shihi o yuli taɣi
Bɛ ni boli o kum
Ka o bihi lee kpibisi
Ka boli o paɣaba pakɔya
Ka o buni la lee fali
O yili la mi din lɛbi dabɔɣu
Hmmm
Tahima ŋmaara
Nabiyɔŋ Shero ni shee o paai o ba yili
Bisa Ablai ni o ni karim hali ti lee Pɔrifɛɛsa
Daajuɣu ni o ni bo buni pali duu
Zanjinbil' ni shee o zali paɣaba kɔbiga, bihi tuha
Busaɣari mi ni o ni zaŋ o viɛlim ŋɔ di o maŋa
poi ka naan ʒini dooyili
Ashee alaafee n-yi yɔhim lɛhiya piɛɣu
Ka o gbir' o lan' bihi
Tahima waɣila la yaɣiya
Ka saha mi vu n-kɔɣili
Azali!
Chandi la ka biɛhiŋ
Di dali maa n-lee be bumbɔn' ni
Zuŋɔ, biɛɣuni, bondali?
Naa maa ko n-ni baŋ li
Amaa zaa ni kuli
Naawuni che ka ti chɛndi ti viɛla
©Musah Fuseini, 2019.