Yɔŋduuni

E-Class

Yoŋ Duuni nyɛla Dagbaŋ tiŋa ka ʒi Tamali wulinluhili, ka di mini Tamali waɣilim nyɛ maali anu. Yoŋ Duuni nyɛla tiŋ’ titali ka mali yuli Dagabaŋ, dama Dagbaŋ nabihi zaa nyɛla ban mi di yɛla. Yoŋ Duuni bela Saɣinarigu yaɣili. A yi yi Tamali ni a chaŋ Yoŋ Duuni, di palli ŋmaligila Malishɛɣu din be Kumbuŋ mini Tamali sunsuuni la. Yoŋ Duuni nyaaŋa kunila Salaamba ka di tooni mi kuni Malishɛɣu ka nudirigu mi kuni Wayamba. Sorugu bela Yoŋ Duuni nuzaa polo ka Dabɔɣushee mi be Yoŋ Duuni tooni biɛla.

Di yi kana tiŋgbana bee tintarisi Duunnaa mini Wayamba n-diri tintarisi nudirigu ka nuzaa mi, o mini Kpalisɔɣu Naa(Sorugu naa), ka tooni polo mi, o mini Malishɛnaa n-diri tarisi ka o mini Salaambalana mi diri tarisi nyaaŋa polo. Bataŋyili gba bela Duunnaa sulinsi ni ka be Yoŋ Duuni wulimpuhili polo.Yoŋ duuni nyɛla tin- daan tiŋa din nyɛ Dagbaŋ tin-daan tinsi la zaa zuɣu (kpɛma) .Lahabali wuhiya ni Nabihi ban mali niya ni tootibo be kperi ni bee ʒiini tinŋɔ maa tiŋgbani puuni.