Varisa
Varisa; Varisa nyɛla binyɛri shɛŋa din vuuri suhudoo ka chɛri daadam kam. Lala binyɛra ŋɔ chaŋmi ti jɛndi Alizina, kpukparisi, kpinyi, ninsali biɛri mali niŋ
Varisa tuma; Kamani yuli maa ni boli shɛm maa “Varisa”. Bɛ nyɛla ban varisiri ninsalinima mini binkobiri, amaa bɛ tooi zooya ka bɛ varisiri la niriba. Varisa gba mali la bɛ biɛhigu kamani ninsalinima ni mali biɛhigu shɛm. Dama bɛ mali paɣiba ka mali bihi, ka diri ka nyura. Varisigu ni tooi varisiri niriba shɛm nyɛla niri yi chaŋ chirigi o, ka nya ka o pa ninsala ka mi pa binkɔbigu, di chɛrimi ka dabiɛm gbaai lala niri ŋɔ. Varisa tooi lebiri daadama, binkɔbiri, buɣum, kom, pohim n-ti pahi binvuri balibu zaa. Daadam shɛba ban gba mali niɣima gba tooi varisiri niriba, kamani sonima, bukpahinima, nanima ni ninvuɣ'shɛba ban gba kuli mali tima. Ninsalinima tooi tiri varisa yuya n-doli lala varisa maa tumtumsa. Varisigu daa be Kumbuŋ yaɣili ŋɔ ka bɛ booni o 'Aluri bɛbibɛbi'. O ni daa niŋ di shɛm varisiri niriba daa nyɛmi, niri yi chani yuŋ ka o yi lala niri zuɣu ni o varisi o, dilana kuli yɛn chanimi n-ti nya ka varisigu ŋɔ lu o tooni na yim bɛn! Ka lahi vaai yiɣisi n guui kpe mori ni.
Varisa balibu; Alizina: Bɛ nyɛla Naawuni bini namda shɛŋa bani mali bɛ biɛhigu kadi yi di ko ka chɛ ninsalinima dini. So ku tooi buɣisi bɛ shii ni be shɛm viɛnyɛla dama bɛ taɣiri la bɛ nahingbana. O ni tooi yi so zuɣu ka nyɛla ninsala bee ka o nyɛla binkɔbigu. So mi ni tooi yi o zuɣu ka o nyɛla buɣum. So mi ni tooi nya o ka o nyɛ binisheli, ka lɛbi shɛli mi gba.
Kpukparisi: Bani ka silimiinsi boli "dwafs" la. Bɛ biɛhigu ŋmani la ninsalinima amaa ka bɛ lee nyɛ zaɣi jihi ka bɛ zabiri waɣi pam. Bɛ kpɛri ninsalinima ni, ntiri ba yinyari kamani Alizina ni niŋdi shɛm.
Kpinyi mini yɔɣisi: Kpinyi nyɛla niri yi kani ka bɛ sɔɣi o, ka a ti lahi nya o ka o be biɛhigu ni. Di saha o lee varisigu zaŋ ti ŋun mi o amaa ka ŋun ʒi o. Yɔɣu mi nyɛla niri yi kpi ka bɛ sɔɣi o, ka o yiri saha shɛŋa n-varisiri niriba.
Ninsali varisa: Ninsali shɛbi nyɛla ban gɔri yuŋ ni tim, ka tim maa ni tooi ti o yiko ka o lee binisheli dini pa ninsala.
Balibu mali niŋ
Kamani