Sumaŋa

Sumaŋa nyaɣisa.

Ka fiɛɣufiɛɣu ka narili?

Jetuma je ni o ni bii,

Ka ningbuna maligi malimali.

Ye sumaŋa nyaɣisa,

Ka fiɛɣufiɛɣu ka narili?

Jetuma je ni woligu yi o,

Ka afuroo muɣi gbalipina,

Ka zabiri chabiri ka chirigi.

N-zaŋ kudiimi lɛbi kazala.

N-du n-tam kuɣutakuɣuta zuɣu

Ye sumaŋa nyaɣisa,

Ka fiɛɣufiɛɣu ka narili?

Jetuma bɔri biŋŋmabɔɣiri.

Ka niŋgbuna maligi malimali.

A fara kirikiri.

Sumaŋa nyaɣisa

Ka fiɛɣufiɛɣu ka narili?

Jetuma nya o kpee kaʒee

Ka niŋ heeja,

Heeja mi bi tiri kaʒee,

Naɣila kpaŋmaŋa.

Ye sumaŋa nyaɣisa,

Ka fiɛɣufiɛɣu ka narili?

Siɣili saa miri salima,

Ban daŋ yibu ni pali piɛri

Ni bɔrimaŋa noo kumya,

Ban gbihiri neema.

Kikaa wari daai doo  dɔni punu luɣili.

Siɣili saa mahili ni kpaŋsi gɔsuma.

Ka gɔsuma kpaŋsi fara.

Ye sumaŋa nyaɣisa,

Ka fiɛɣifiɛɣu ka narili?