Social distancing
Salo alaafee tuma yili nima yɛltɔɣa puuni, ʒilelini taba larigim niŋbu din nyɛ bɛ-ni tooi lahi booni shɛli niŋgbuna taba larigim niŋbua nyɛla alaafee so-dolisi shɛŋa din-ka tima yaɣali ka di maliŋa m-bɔri gubu bee so-doli shɛŋa din niya nyɛ ni di taɣi dɔri loorili wuligibu ka di nyɛla di din bɔrila soya n-guri niriba ka chɛri miribu ka lahi baligiri niriba ni tooi niŋdi miribu ni taba n pari taba shɛm. Di tooi nyɛla din zaana niriba sunsuuni di ni tu ni larigim shɛli beni (ka tiŋgbani kam tooi mali bɛ-ni niŋdili shɛm ka ni tooi lahi taɣili saha shɛli bɛ-ni bɔra) ka lahi mɔŋdi salo pam laɣimbu.
| Yaɣ sheli | non-pharmaceutical countermeasure  |
|---|---|
| Pahi la | infection control |
| Mali niya | minimization |
| Hasitagi | SocialDistancing |
Di yi niŋ ka baligibu niŋ tabata ni nin-vuɣ’so ŋun-ka doro miribu ni ŋun maliŋa, din ŋuna lala doro maa kpibu nyɛla din-ku chaŋ tooni, ka lala ŋɔ ni tooi baligi niriba kpibu pam biɛhigu ni.Ʒilelini taba larigim niŋbu so-dolisi maa nyɛla din ni tooi zaŋ pahi so-doli shɛŋa zuɣu n-tum tuma, kamani vuhim soya kasi niŋbu, nini-pɔbira, nuu paɣibu. Di bi daa niŋ ka COVID-19 alobo doro la daa luna, an-duniya alaafee tuma laɣingu daa buɣisiya n wuhi ni-bi yuya ni mali niŋgbuna taba larigim niŋbu n-tumidi tuma n gari ʒilelini taba larigim niŋbu ka-dama tuuli dinu ŋɔ nyɛla din kuli yɛn chɛ ka niŋgbuna bɛ-miri taba din yɛn-gu ka taɣi doro zaŋ lohi taba; tɔ amaa di pahi ŋɔ ŋuna, niriba nyɛla ban ni tooi zaŋ ʒaamani tabiibi nɛma n-niŋ miribu ni taba ka di lee pala bɛ niŋgbuna n yɛn miri taba. Din yɛn che ka dɔri loorili wuligibu baligi biɛhigu puuni ka ti alaafee bomma tuma yili nima nya faako diyi ti niŋ ka alobo doro luna, ʒilelini taba larigim niŋbu so-bɔbigu nyɛla di ni kpuɣiri shɛli ka di shɛŋa n-nyɛ karim zona mini tuma duri kparibu, waligibu ni-taba, napɔŋ gbaabu, niriba gɔrim ŋmaabu ni salo pam laɣimbu.
Ʒilelini taba larigim niŋbu chuuta nima shɛŋa n-nyɛ kadama di ni tooi ʒi nin-sabiga na, n-ni tooi chɛ ka tuma bɛ chani kaliŋkaliŋ n ti pahi anfaani shɛŋa din-be salinima taba laɣimbu ni nyɛla din-ni barigi.