So' Shεŋa Di Duri Zuɣusaa Suurili

So' Shεŋa Di Duri Zuɣusaa Suurili (Al-Ma'aarij ٱلْمَعَارِج)

So' Shεŋa Di Duri Zuɣusaa Suurili

surah

Pahi la	Alikuraan
Zuliya wuhibu	المعارج
Japan zuliya (yuli kana) sabbu ni	かいだん
Siɣili-lana yuli	scale degree
Be lɛbigili zuliya nima ni	70. The Ways of Ascent, Q31204736
Balli tuma bɛi balli yuli	laribanchi
Tuma ŋɔ maa zaa bɛla URL maa ni	https://quran.com/70
Nahingbaŋ	Meccan surah

E-Class

Suurili ŋɔ maa wuhirila azaaba ni yɛn shee chεfurinim’ zuɣu ka shɛli n-kani taɣiri li shɛm, ka lahi wuhiri binshɛɣu din niŋdi nyɛvuli chuuta, ni di tilaa ni nyɛ shɛli.

Aaya nima

Aaya nima:

• 1. Bɔhigulana so bɔhiya n-zaŋ chaŋ azaaba shεli din yɛn ti niŋ.
• 2. N-zaŋ ti chεfurinima, so mi ku tooi taɣi li.
• 3. Ka di yɛn ti yila Naawuni So Ŋun su so’ shɛŋa din duri zuɣusaa sani.
• 4. Ka Malaaikanim’ yɛn ti duri O sani, n-ti pahi Ruhi (Malaaika Ziblila), dabsi’ shεli din saɣisi yuuntuhu pihinu (Dunia ŋɔ laasabu puuni).
• 5. Dinzuɣu (yaa nyini Anaabi)! Niŋmi suɣulo, suɣulo din viεla.
• 6. Achiika! Bɛ (chεfurinim’ maa) nyari li mi (Chiyaama yiɣisibu) katiŋa.
• 7. Ka Ti (Tinim’ Naawuni) nyari li ka di be yoma.
• 8. Dabsi’ shεli sagbana ni yɛn ti leei kamani tahiʒiεɣu (bee anʒilfa) din nyεlgi.
• 9. Ka zoya leei kamani pekobri di yεɣili.
• 10. Zosim’ mi bi bɔhirio zoyεla.
• 11. Ka bɛ chɛ ka bɛ (ninsalinim’) yuundi taba, ka bibee ti yɛn bɔri ni o zaŋ o bihi n-yo o maŋ’ zuɣu, ka tilgi dindali maa daazaaba.
• 12. Ni o paɣa mini o mabihi.
• 13. Ni o dɔɣiriba ban daa laɣim ʒiya ni ŋuna (Dunia puuni).
• 14. Ni ban kam be tiŋgbani ni namgbanyini, ka di naan tooi tilgi o (ka chɛ Naawuni daazaaba).
• 15. Haifa! Achiika! Di nyɛla Lazza (buɣum kobilnini).
• 16. Ka di nyɛ din fuɣiri zuɣugbana.
• 17. Ka di boondi ŋun lԑbi biri Adiini, ka yi di yɛla ni.
• 18. Ka laɣim arzichi, ka lo li niŋ adaka ni (ka zaɣisi adiini sɔŋsim).
• 19. Achiika! Bɛ nam ninsala ka o nyɛla diribarlim lana.
• 20. Din be yi shihi o, ka o kɔŋ suɣulo.
• 21. Din mi vɛla yishihi o, kao niŋ biεm.
• 22. Naɣila jiŋ’ puhiriba.
• 23. Bana n-nyɛ ninvuɣu shεba ban kuli bi milgi ka be jiŋli puhibu ni.
• 24. Ni ninvuɣu shεba ban daarzichi puuni mali tarli ka di nyɛ zaɣimirili.
• 25. N-zaŋ ti ŋun suhira, ni ŋun bi suhira dini.
• 26. Ni ninvuɣu shεba ban tiri sanyoo dali (Zaadali) yɛlimaŋli.
• 27. Ni ninvuɣu shεba ban zɔri bɛ Duuma (Naawuni) daazaaba dabiɛm.
• 28. Achiika! Bɛ Duuma (Naawuni) daazaaba ka yεmbahiga.
• 29. Ni ninvuɣu shεba bangubɛ tooni.
• 30. Naɣila bɛ daamiliya paɣaba, ni bɛ dabpaɣaba. Achiika! Bannim’ maa pala bɛ ni galindi shɛba.
• 31. Amaa! Ninvuɣu so ŋun tibo (paɣa shεba) din nyaaŋa, tɔ! Bannim’ maa nnyɛ ban kpahi yεɣi tariga.
• 32. Ni ninvuɣu shεba ban guri bɛ daamaananima, n-ti pahi bɛ daalikauli.
• 33. Ni ninvuɣu shεba ban zani n-tuhi bɛ shɛhiranima.
• 34. Ni ninvuɣu shεba ban guri bɛ jiŋli.
• 35. Bannim’ maa yɛn ti bela Alizanda yiya puuni, ka bɛ nyɛla bɛ ni tibgiri shɛba.
• 36. (Yaa nyini Annabi)! Ka bozuɣu ka ninvuɣu shεba ban niŋ chεfuritali maa kuli zɔri yomyom’ n-kani a sani na (ni bε ti wum din be a sani?
• 37. Ka bɛ nyɛla laɣinsi n-ʒi a nudirgu mini a nuzaa zuɣu?
• 38. Di ni bɔŋɔ,bɛ zaɣiyino kam niŋdila kore ni bɛ ti zaŋ o n-kpεhi yolisigu Daalizanda la puuni?
• 39. Haifa! Achiika! Ti (Tinim’ Naawuni) nam ba mi bɛ ni ʒi shɛli puuni na.
• 40. Dinzuɣu, M-po wulinpuhili mini wulinluhili Duuma? Achiika! Ti (Tinim’ Naawuni) nyɛla ban mali yiko.
• 41. Ka Ti ni tooi nyɛhi ba ka tahi ninvuɣu shɛba ban gari ba na, Ti mi pala bɛ ni yɛn tooi nyɛŋ shɛba.
• 42. Dinzuɣu (yaa nyini Annabi)! Chεli ba ka bɛ lim (bɛʒiri puuni), ka kpɛrita hali ti laɣim ni bɛ dabsi’ shεli bɛ ni niŋdi ba di daalikauli maa.
• 43. Dabsi’ shεli bɛ ni yɛn ti yiri na bɛ gbala ni yomyoma, ka di ŋmanila bɛ niŋdila yomyoma n-chani buɣajεma shee la.
• 44. Ka bɛ nina ba tiŋgbani ni, ka filiŋ pili ba, dina n-nyɛ dabsi’ shεli bɛ ni daa gbaai ba di daalikauli la.