Salima:Sayibu wuhi noli lobu ni yi shɛli polo na

E-Class

Tuuli ɛpisodi

(Wuntaŋ'ni kurugu ayi saha) JUUNA: Ka wula ka Sayibu ŋun ku deeigi kuɣu n-doya?(O kpahi n-neeigi Sayibu) Sayibu yiɣisim' ka ti zaa nya polo n-ʒini. SAYIBU: Nyama! Che ka zuŋɔ niŋ a piligu ni a bahigu. A yi lahi kpahi n-neeima lala neeibu, bɛ ni she suhi n-wɔligi ti. N bi yɛn yiɣisi. Kpuɣimi ma n-yiɣisi. JUUNA: Ma yaa yɛltɔɣa n-kuli bɔŋɔ maa. Ʒishɛhi kani, ka nyin' ko deeigi kuɣu n-doya ka zaɣisi ni a ku yiɣisi. Akai! A bini maa nyaŋya pam. BABA: (O mali n-ʒini) Juuna kamna n-ʒini kpe. A mi a doo ŋɔ hali. Di yaa lahi ka ŋun nini. SAYIBU: Nyama! N je filuŋ yɛltɔɣa. Di lahi kama nini wula? N suhi a la kom bee bindirigu? (Noli larigibu nyaaŋa) SAYIBU: Juuna! A mini Baba, Wuntaŋ ŋɔ ni, n di yɛliya yiriuŋ. Yim ya di yɛla ni. Din' niŋ chiyaama, kum n-tahili. ŋɔ maa zaa, ban' zaŋ ti n-niŋ lala fukumsi ŋɔ maa ni taali ka man' gbubi. BABA: Banim' n-zaŋ ti n-niŋ di puuni? Ma Naawuni n-puhi ti ni ti lom' noli maa. SAYIBU: Ka ma shɛb' mi zuɣubiɛɣu n-tabili ti maa. BABA: Che ka ti mali n-ʒini. Yɛltɔɣa n-yaa yɛn yina maa. SAYIBU: To wummiya! Anabi so zaamani nim' ka Naawuni daa narim ka di looi ti maa. Taali ka bɛ daa tum, ka Naawuni zaŋli n-dahim ba. Jaŋ yino ni saɣimdi jaŋsi zaa maa, di miisim ni ka ti be maa. Kaman' ti Yab' Adam ni daa kuli di alizanda puuni bin'wɔlli maa ka di ti be ti funyain shɛm ŋɔ maa. JUUNA: Ka Afa ŋuni n-yɛli li ka a wum? SAYIBU: Ma hankali n-nyɛli. A gba kuli yulima, bozuɣu ka Naawuni kuli yɛn zaŋ Nolɔri n-bahi ti zuɣu ka ti bi niŋ binshɛli. Man' daa kuli donimi n-zaŋ n zuɣu n-tiri lihi, n-ti kuli nyali ka di doya kaman' n ni kuli yɛli shɛm ŋɔ maa. JUUNA: Din ŋuna a suhuyubu yɛltɔɣa n yaa bala. Suhuyubu mi bi kpiɛri adiini puuni. SAYIBU: Nolɔri ŋɔ ni tiɛhiri man' shɛm, man' bi gbihiri di zuɣu hoo. Dinzuɣu man' yɛrili sahashɛlikam, ŋun kam daa pahi n-tum lala taali maa, naɣila man' nini sa bɛ pali ba mi chiyaama, ti ni kpe kpari yini bɔɣu ni.