Salima:Kpatinaringa mini chuɣu

Di daa yaa niŋla lala ka niŋ lala, ka Kpatindariga lo nia ni o laɣim andunia zaa yƐm n-leegi o dini.

Di saha ka Kpatindariga gɔ dunia boba ni yaɣa zaa. O daa go n-kpa dunia tudu polo, saafa polo, wulimpuhili polo n-ti tabili dunia wulinluhili polo. O daa laɣim dunia yili yƐm o yaa tariga, n-zaŋ niŋ chuɣu ni. Kpatindariga daa labi yiŋa ka yeli o suhu ni, N ni zaŋ "n chuɣu maa n-tam ti' titali zuɣu!"Kpatindariga

Di saha ka Kpatindariga zaŋ chuɣu maa n-yili o tooni, ka mori ni o du ti' titali. O nim mohi zaa yoli, o daa bi tooi du tia maa. O bi' kpema daa Ʒi yoma ka yƐli "M ba, a yi zaŋ chuɣu maa n-lab a nyaaŋa, di ni che ka a tooi du ti' maa ka di bi to!"

Di saha ka Kpatindariga saɣi ti o bia maa yeltɔɣa. Ka daa zaŋ chuɣu maa n-labisi o nyaaŋa ka naan tooi du ti' maa. Ka o bi' maa daa bohi Kpatindariga ni bo n-lee be chuɣu maa ni. Ka Kpatindariga daa yƐli ni o zaŋla duniya zaa yƐm n-niŋ chuɣu maa ni, ka o bia maa daa bohi O Ba' ni ya ka o nya yƐm n-wuhi Kpatindariga, di yi shiri niŋ ka di nyƐla o zaŋ duniya zaa yƐm n-niŋ chuɣu maa ni ka ya polo bi' maa nya yɛm. ka Kpatindariga suhi daa yiƔisi ka o zaŋ chuɣu maa luhi tiŋ' na ka di daa n-wurim zaa.

Ka o bi' maa daa yƐli o ni yƐm yaɣi nin' yino malibu.