Salima-Mani

E-Class

Tuuli Yaɣili

Ni buɣinooŋa kumya Ka sokam wum li o ni wum li shɛm Ka mani wum li la mani O kumsi puuni, ka n wum Ni n ŋmanila sabaligu Nimbɔhi kani Ka tiŋa chibiri kom Ni n ŋmanila sakom N chihiri gumanchuɣu polisibu tiim Ni n ŋmanila oshishirili M bi zɔri lɛbili fiɛbbu n zuɣu polo N ŋmanila nɔŋa M biɛhigu dolila A biɛhigu zaŋ kpa m-polo N ŋmanila kulilia Bɛ bi mali koduɣili n-valisiri ma

Yaɣili din pahiri ayi

Ni yirigintoli ŋun kum boli O sa' tahiŋga gba bi yi Bochaai bimbirili biliya Ka tan' suma je suli Niŋmi suɣilo N ŋmanila zilimbɔŋ N yi yihila kpaligu n-ti sala Ka sala wum n-nyɔm Ka lahi nahi o nyee yaha Lɔngbaɣulana fuɣiri o lɔngbaɣu Ka guligulana fuɣiri o yaan' kunkuni

Yaɣili din pahiri ata

N ŋmanila kpaŋ M bela saazuɣu Ka lihiri kɔtiŋa Ni ŋmarigɔŋ puhi zaawuni Ka ban je o nyabu pɔbi bi nina Ka wula ka ti yɛn niŋ?

Yaɣili din pahiri anahi

N ŋmanila gunyili

N diri sar' suma

Ka diri sar' biɛri zaa

Bɛ nyɛla ti' waɣila m-be zolɔŋni

Ka n-lɛbi ti' biɛla n-tam zoli zuɣu

Ka deei gaŋdu ka che bɛ zaa

Kpaliŋkpaa yaɣili

Yumbuɣim di ŋmari ʒiri O kuli ku tooi tum buɣim tuma abada Tuturi din bili nambɔtali Ni ti lɛbi alibarika tia Bɛ booni ma la bibiligu Ni n ka nina M mi bi tumdi soli Gbarisaŋ fuɣiri o dulim dulimbo Ku dulim pali biliga O ŋmari ʒiri