Saha Biɛla- Yɛltɔɣa taɣ'malisi

Tuuli ɛpisodi

Saha n-gari daŋ yibu. Saha ŋmani tiim. Saha ŋmani buɣili pini. Daadam saha biɛɣu neeya. Ka ban ʒi yɛli ni o vala bua. Sokam malila o pini biɛɣu Naawuni sani. A pini biɛɣu saha yi na bi paai. A wahala gari Damba dali nahu. Ka ban turi a turi a. Ka ban galindi a gari lala. Ka di ŋmanila nyini ka la bukaata. Tummi ka suhiri Naa maa. Bomi zali zuŋɔ. Ka di biɛɣu sa neei ka fabila kani.

Yaɣili din pahiri Ayi

A mini a taba naai shikuru. Ka shɛba nyɛ tuma. M-me ya viɛla. Ka niŋ amiriyanima. Ka shɛba bo paɣaba. N-dɔhi bihi.

Yaɣili din pahiri Ata

Di ti che ka Wun' pini ŋɔ muɣisi a. Dama a mini shɛba naaya. Ka bɛ kɔŋ bɛ nyɛvuya. Ka shɛba ka alaafee. Ka bɛ maliba zɔri ginda. Amaa bɛ mali tuma maa. Di ti tam ni shɛba mali alaafee ka lahi mali tuma yaha. Na' gaŋa maa tuma m-bala. Sokam malila o pini biɛɣu.

Yaɣili din pahiri Anahi

Di ti nya a karimbikpeei. Ka lihi ʒiɛmi o. Bee ka nya ka nyini ka bukaata. A yi ti tooni ni lala nira maa. Naawuni ni bɔri li shɛm m-bala. O mi yi ti tooni ka che a. Kpiɛŋlana tuma ni yaha. Chɛliya ka jilima be yi sunsuuni. Dama sala mila zuŋɔ o ʒi biɛɣu ni.

Kpaliŋkpaa Yaɣili

Saha biɛla. A daliri noo ni kum. Ka tikparanima wum o kumsi. Ka zoomba nya noo maa. Ka biriti tɔɣisiri noo maa kumsi. Ka simnima paɣiri Naawuni. Ka di gari a diɛmba. Ka bɛ ka niŋdili. Dama saha maa m-paai.