N yura zalima sochira zuɣu

N YURA ZALI MA SOCHIRA ZUƔU

Mbaye ! m puuni ! N zuɣu!

Nyar’ bɔ n-lee nya ma ŋɔ?

N yura zaŋ ma zali sochira zuɣu

N yura ʒili ma ʒili

Din ka suui zali.

N yura sola atampa gahindili

Ni o chanila daa

M bɔbi paɣiba gbaagba

Ni o chanila daa

N yura kpala salima tikpara

M piri paɣiba salimata

Ka nuchee nyaɣisiri piɣipiɣi

Ni o chanila daa

Ka n nina pa gooni.

N yura chaŋ daa kpalim

N yura chɛla vuya  siɣiri  kpiimba

N yura ŋari nyee kuli sala ani

N yura tirisi nyaambibirili kuli Bataŋa ni

N yura lɛbi Nagaŋa Naa dini zuŋɔ

Ka m puuni buɣum kɔŋ kpihibu

N yura daa yɛliya

Ni ŋun nyɛ bi di anyo

Anyo ku di o

Ni ŋun nyɛ bi biri zamba

Ku che  zamba

Ni ŋun nyɛ salinvɔɣu ʒiɛri

Ku ʒini katiŋa ka piɛbi

N yura daa yɛliya

Ni ŋun nyɛ paɣpupiɛliga deei daaŋa

Ka bihi la yuɣiyuɣi

Paɣa kuliya

Ka yuli ku m-barigi

N yura suɣulo daa ŋmanila bahiga

N yura daa ʒi

Ni kpalaŋa gbinni m-bɔŋɔ

Ania biɛrilana

N yura gariya

N yura daa ʒi mambuma

Yɛlikavuhilana kuliya

N yura daa yi nya piɛlli

O bi yɛri ni sabinli

Ʒini gɔma ku ʒini tiŋa yaaŋa

N yura, pili piɛɣu paɣisara bia

N yura zilimballi lana

Nyɛvuli pooi n yura

N zaŋ niŋ ma gogaliga

N yura kuliya

Ka yuli ku m barigi.