Mba Duɣu

Mba Duɣu nyɛla Naa Gbewaa bee Yaa Naa wulaan kpema. O lahi nyɛla ninvuɣ' so ŋun be Yaa Naa tooni saha kam, ka di yi niŋ ka niri bɔri Yaa Naa shee a nyɛla Mba Duɣu pɔi. Ŋuni n-lahi nyɛ bɛ ni garigiri so di yi niŋ ka nira bɔri nam pɔi, ka naan yi ti paai Yaa Naa. O tooi lahi tiri niriba guli Yaa nayili pirim la Yaa Naa ni chihiri kurugu bini ni timbu la.

Mba Duɣu nyɛla ninvuɣ' so ŋun bɛ kpiri Dagbaŋ pulini ka di daliri nyɛla o malila bihi ayi, ba ni n-nyɛ Zalinkuɣ' lana mini Kulaa' lana ka bɛ zaani o zaa shee di yi ti niŋ ka o kani. Bɛ gbaarila o bihi ŋɔ puuni yino n ti ʒili Yaa Naa tooni ka yɛli o ni o duɣu sa go ya saha yaa kaza.

Be bi kumsiri Yaa naa Mba Duɣu kuli.

Nam dunoli ŋɔ daa pilila Naa Niŋmitooni (Na jɛrigu) yuuni.