Literacy and Development through Partnership
Literacy and Development through Partnership, bɛ ni ŋmaai shɛli jia m-boli L.D.P la nyɛla ʒengama zuɣu tumaduu (N.G.O) m-be Ghana tudu yaɣili ka di tuma jɛndila sochib' shɛŋa di ni yɛn doli ka ti zuliya (Dagbanli) karimbu ni sabbu kpaŋsi ti karim zɔndi mini ti ʒilɛli ni.[1][2]
Piligu mali niŋ
1985 yuuni ka LDP tuma daa pili. Lala saha ŋɔ, LDP daa na nyɛla Ghana Institute of Linguistics Literacy and Bible Translation (GILLBT) kparibɔɣu, ka bɛ daa na booni li Dagbani Literacy Project. 2005 yuuni ka bɛ daa niŋ L.D.P suuna ka dii lee di dahalali ʒengama zuɣu tumaduu (N.G.O).[1][2]
Tuma mali niŋ
Tuuli, L.D.P tuma daa na kuli dahila Dagban' ninkura ban bi chaŋ shikuru polo; ni di bo soya m-baŋsi ba Dagbanli karimbu ni sabbu. 1985 yuuni maa hali na zuŋɔ, L.D.P tumaduu ŋɔ nyɛla din kpaŋ di maŋa n-kpaŋsi karimbu ni sabbu boba ni yaɣa pam Ghana tudu polo. Ŋa shɛŋa n-nye Tamale, Naya, Saŋ, Nanumba North, Gushɛɣu, Karaga, Toliŋ, Kumbuŋ, Savelugu nti pahi Nantɔŋ. LDP ni pili tuma 1985 zaŋ na hali zuŋɔ, niriba paagi tuhi pihinahi (40,000) nyɛla ban di tumaduu ŋɔ karimbu ni sabbu anfaani. Yuuni 2011 zaŋ ti gbaai 2016, niriba ban kalinli paai tuhi pinaata (13,000) daa nyɛla ban kpe L.D.P karimzɔndi ni. Lala kalinli ŋɔ ni, niriba tusanii, ni kobsita ni pihiyobu yinka (8,359) n-daa nye ban dee shɛhira gbana zaŋ kpa karimbu ni sabbu ni, Dagbanli mini Silimiinsili ni.[1][2]
L.D.P tumtumdiba nyɛla ban mali baŋsim parisi din sɔŋsiri karimbu ni sabbu wuhibu tinkpansi ni. Bɛ nyela ban gindi tinkpansi ŋan be tudu yaɣ' shɛŋa ban bi tooi paari shikuru baŋsim bomma sochibsi. L.D.P tuma kuli dahila ti zuliya yɛltɔɣa karimbu ni sabbu wuhibu polo. Tumaduu ŋɔ ni kpuɣiri sochib' shɛŋa n-wuhiri karimbu ni sabbu nyɛla din dii ka yɛltɔɣ' waɣila. Lala ŋɔ chɛmi hali L.D.P karimba shɛba ban bi chaŋ shikuru la gba kuli wuhira ka di chibira.[1]
Di Daanfaani mali niŋ
Ban karim n-siɣisi L.D.P karimzɔndi ni (ballee ninkura) nyɛla ban lee bukaata kuriba biɛhigu ni. Ninkura ban shihi karimbu ni sabbu bohimbu nyɛla ban zooi ka bɛ ni saɣi ti ka bɛ bihi chaŋ shikuru. Shikuru baŋsim mi ny din sɔŋda n-tuhiri kariti ʒilinsi mini fakari. L.D.P tuma duu ŋɔ tuntumsa dahalibarika ni, laɣinsi pam poha nyɛla din yooi ni tinkpansi pam ka lala tinkpansi maa nye sɔŋsim pam zaŋ kpa kparilim, shikuru baŋsim bomma soya, alaafee bomma soya, pala, konyurim, ni ŋan pahi.[1]
Kundivihira mali niŋ
- ↑ 1.0 1.1 1.2 1.3 1.4 About Us – Literacy & Development through Partnership (en-GB).
- ↑ 2.0 2.1 2.2 Biurher, Yurii. Literacy - Overview | aiHit (en).