Kuli malibu

Kuli malibu nyɛla niri yi kani ka daŋkpamba zeni gbaai dabisili shɛli bi ni yan laɣim taba n ti pahi daŋpaɣ'sara ni Nachimba ka bi paɣi bi nuu bahi kpim maa zuɣu bee m mali baɣ'yuli bahi kpim maa zuɣu shɛm ti Dagbaŋ kaya ni taada puuni.

Kuli malibu pula bu yi zuɣu di ni nyɛ,Kumahi mini kumaligu ni. To Kumahi li ŋu ni nyɛ niri ni yi na kuli kpi palim palim maa ka bi bo dabisili n luɣ'buguli, Buguli li ŋu luɣ'bu dali ka bi daŋkpamba yan bola baŋdi na ka o ti vihi n-nya din ku kum maa Dagbamba lahi booni li la dabaa ata. Yaha bi yi niŋ dabaa ata maa n nayi bi lahi mali dabaa Ayopua din kabi yan niŋ ka yihi Gbaŋ lana di yi niŋ ka ŋun kpi maa diri nam.

Yaha kumaligu nyɛla kuli tɔŋ'bu dama di kani mi na kumahi nyaaŋa, kumaligu ni Daŋkpamba ni lahi laɣim chisimam n gbaai dabisili bee goli shɛli bi ni yan yina n ti tuɣi baɣ'yuli shɛli bi ni daa mali zali soli la. kumaligu ni kum maa bihi n ti pahi Daŋpaɣ'sara ni Nachimba ni yi na ni bikobiri ka ma peri ni buhi nti pahi nohi n-ti zaŋti Daŋkpamba ni bi dee mali bi Ba. Kumaligu pin di mi ni zuɣ'pinibu, Buni wuhibu n-ti naa ni Aduwa suhibu.

Zuɣ'pinibu ŋu dali bi yan laɣ'la ŋum kani maa bihi ni o ŋahinsi n kɔrisi bi zuɣ'ri wanzama mii n niŋdi li.

Buni wuhibu nyɛ di doli zuɣ'pinibu di mi nyɛmi bi pini zuɣ'naa bi yan gbaala dabisili ka ŋun kpima sim nima ni dɔɣiriba yi ti di ariziki n niŋ lunsi ni din dali zaawuni, Ti Dagbaŋ ŋu bi too wuhiri la buni Alaamishi dali n-yi begu tari sara ka ti bolli Aduwa suhibu. Aduwa ŋun yi suhi naai yi biɛɣu samba nyɛla ban pili bi ya nim kundi.

Kuli malibu Daanfaani nima galisi ya pam di shɛŋa n-nyɛ:

(1) Kuli malibu kpaŋsiri ti kaya ni taada.

(2) Kuli malibu che ka ti baŋdi ŋun kpima ni nyɛ so biɛhigu puuni.

(3) Kuli malibu laɣim di Daŋ.

(4) Kuli malibu ni Niriba laɣiri zori.

(5) Kuli malibu ni Dakoya nyɛri paɣ' ba ka paɣ'ba bin ka yidan nim nyɛri dobba.