Kɔligu

KƆLIGU PILLI

Ninkura wuhiya ni kɔligu piinila di yi niŋ ka nira yaba bee o ba namin ku mɔɣuni binkɔbiga ŋun nyɛ binshɛɣu bee bingbaarigu. Lala ŋɔ yi niŋ, lala binshɛɣu ŋɔ yɛn doli la ŋun ku li maa n-nahindi o bee o malibu.

KƆLIGU GBAABU

Dagban' ninkura wuhiya, ni kɔligu yi doli nira dilana yɛla labiri la nyaaŋa saha kam. Di yi nyɛla laɣiri ka dilana bɔra, o bi nyari li. Di mi yi nyɛla paɣa yɛla ka o yi kpe, o bi nyari nasara. Shɛba mi biɛni dɔr' chɛhi n- yɛn gbaari o sahakam. Lala n-kuli yɛn nyɛli naɣila o ti vihimi ka bɛ yɛli o ni kɔligu n-doli o. Din tooi nyɛ yaba bee o ba kɔligu n-doli o maa. Di saha o ni bo soya ka bɛ nyuhi o kɔligu maa ka o nii maagi o gbum ka yaɣiri la.