Fumigation

E-Class

Fumigation nyɛla so' shɛli bɛ ni doli n-kuri binneembihi ka di nyɛla di yɛn bola soli n-che ka binnɛma tim din nyɛ pohim dini bee -bɛ ni booni shɛli fumigants la- wuligi luɣi shɛli bɛ ni mihi li maa zaa. Lala tim ŋɔ n-yɛn liɣi lala binnɛma ban be lala luɣili maa. Dina ka bɛ mali kuri bee n-kariti lala binnɛma maa duri ni, tam ni, bimbiɛlima ni, ni puzuri ni, ka bɛ lahi mali li niŋdi neen' shɛŋa din yirina tiŋduya ni bee bɛ ni mali neen' shɛŋa yihiri tiŋduya ni din yɛn gu ka che dɔribimbira ʒi n-looi tiŋ shɛŋa dabam. Lala niŋsim ŋɔ lahi damdi lala binneembihi ŋɔ ni be binshhɛli ni maa biɛhigu, ka damdi lala binneembihi maa maŋmaŋ biɛhigu, ka mani woodborers ni drywood termites.

Di ni niŋdi shɛm

Bineebihi tuɣilibu mali la soya ayi: tuuli, bε ni mali nia ni bε tuɣili luɣ’ shεli polo maa bε yεn ŋari la luɣ’ shεlikam ka voli lahi kani. Di nyaaŋga, ka bε tuɣili tiim maa. Bε ni che bε ni tuɣili tiim maa luɣ’ shεli maa ka di ku bineenbihi shεŋa ŋan be bε ni tuɣili timm luɣ’ shεli maa saha shεli sunsuuni. Din bahindi nyaaŋga, bε yooi luɣilikam bahi ka tiim maa lɔɣu maa doli pɔhim maa chaŋ, din yi pan tooi ti daadama soli ka bε kpe. Dimbɔŋɔ yi niŋ viεnyεla, lala biεhigu shee ŋɔ ku lahi mali bineebihi ŋɔ ka viεla n-ti daadama.

Tanti tiim tuɣilibu

Tiim tuɣilibu mali balibu pam zaŋ chaŋ yili kam polo. Luɣ’ shεli din be yiya sunsuuni, lɔba tantinima kamani din be ka gbanbila laasaabu ka bε yεn zaŋ pili yili maa zaa ka tuɣili tiim maa dini. Lala dini ŋɔ bε booni li mi “tanti tiim tuɣilibu”. Tanti lɔba ŋɔ taɣiri la tiim ŋɔ lɔɣu maa ka di bi yi n-kpe  ya’ kɔɣila maa. Tiim ŋɔ tuɣilibu ni tooi paai bakoi ka dimbɔŋɔ doli la yili maa tulim bee di maasim ni  be shεm ni bineenbihi maa ni nyε shεli.