Climate movement: Waligimsim din be labiteei balibu ni.

== Tingbani Biεhigu Laɣingu==

Yuuni 2019 Greta Thunberg tingbanni, lala saha ŋɔ, bipuɣimbila ŋun daa nyε yuumpinaayɔbu bia ka daa yi tiŋa yuli booni Sweden la na daa che ka pɔhim tuma yilinima (media) baŋ tingbani biεhigu tulim mini di maasim adalichi yεla. O daa yi naɣirila shikuru alizumba dali kam ka chani ginda tɔri ayirimo zaŋ chaŋ tingbani biεhigu polo. O daa galim ka fee daadama mini bε toondaannima ban daa nyε jintɔriba zaŋ ti Swedennima bε baɣa ni ka bε ban na yiɣisira sɔhibiεɣuni zuɣu. (reference)

Greta Thunbergnima yinyahili nimmɔhi ayirimo ŋɔ daa bɔla bε ni mi shεli “The Greta effect” dina n daa yiɣisi ʒeman’ kara ka bε gba saɣi ti tingbani boiεhigu tulim mini di maasim adalichi ka di ti lεbi siyaasa yεltɔɣa. bipuɣinga ŋɔ daa pahi o shikuru bihi taba zuɣu ka bε to ayirimo zaŋ chaŋ yεlli ŋɔ polo. Dimbɔŋɔ daa kpaŋsi Uganda paɣa so ŋun yuli daa booni Vanessa Nakate ka o gba pili o dahalali ayirimo tɔbu o ya Uganda tingbanni.