Ban Filindi Zaɣa Suurili

Ban Filindi Zaɣa Suurili (Al-Mutaffifeen ٱلْمُطَفِّفِين)

Ban Filindi Zaɣa Suurili

surah

Zuliya wuhibu	المطففين
Japan zuliya (yuli kana) sabbu ni	りょうをへらすもの
Siɣili-lana yuli	fraud
Be lɛbigili zuliya nima ni	83. Default in Duty, Q31204750
Balli tuma bɛi balli yuli	laribanchi
Tuma ŋɔ maa zaa bɛla URL maa ni	https://quran.com/83
Nahingbaŋ	Meccan surah

Suurili ŋɔ maa wuhirila ninsalinim’ daamaananim’ gulibu ni niŋ talahi bɛ sunsuuni shɛm, bɛ Daabilim polo, n-ti pahi bɛ bɛhigu kam puuni.

Aaya nima

Aaya nima:

• 1. Azaaba kpeeni be ban filindi zaɣa (muuru bee sikeli) zuɣu.
• 2. Bana n-nyɛ ninvuɣu shɛba ban yɛn zahim niriba sani, ka bɔri ni di pali.
• 3. Amaa! Bɛ yi ti yɛn zahim n-ti shɛba muuru ni bee sikeeli zuɣu, ka bɛ filinda.
• 4. Di ni bɔŋɔ, bannim’ maa bi tɛhiri ni bɛ nyɛla bɛ ni yɛn ti neei shɛba?
• 5. Dabsi’ titali maa ni (Zaadali).
• 6. Dabsi’ shɛli ninsalinim’ ni yɛn ti zani binnamda Duuma tooni.
• 7. Haifa! Bibiɛhi tuuntumsa gbana yɛn ti bela Sijjiin puuni.
• 8. (Yaa nyini Annabi)! Bo n-leei baŋsi a, bo n-leei nyɛ Sijjiin?
• 9. Di nyɛla litaafi shɛli bɛ ni sabi daba tuuntumsa di puuni.
• 10. Dindali maa, azaaba kpeeni daa be ni ban labsiri Chiyaama ʒiri la zuɣu.
• 11. Ninvuɣu shɛba ban labsiri Sanyoodali ʒiri.
• 12. So mi bi labsiri li ʒiri, naɣila ŋun kam kpahiri yεɣiri tariga, ka zooi Naawuni taali ni kpɛbu.
• 13. Bɛ yi ti karindi Ti (Tinim’ Naawuni) aayanima n-tiri o, ka o yɛli: “Ŋɔ maa nyɛla kurumbuninim’ salima.”
• 14. Haifa! Chɛli gba! Bɛ tuuntumsa nyɛla din zahim bɛ suhiri zuɣu.
• 15. Haifa! Dindali maa, bɛ nyɛla bɛ ni yɛn limsi shɛba ka chɛ bɛ Duuma (Naawuni) nyabu.
• 16. Din nyaaŋa, achiika! Bɛ nyɛla ban yɛn ti kpe ʒehiim buɣum ni.
• 17. Din nyaaŋa, ka bɛ yɛli ba: “Ŋɔ maa n-nyɛ yi ni daa labsiri shɛli ʒiri maa.”
• 18. Haifa! Achiika! Ninvuɣu suma tuuntumsa gbana yɛn ti bela Illiyyiin puuni.
• 19. (Yaa nyini Annabi)! Bo n-leei baŋsa, bo n-nyɛ Illiyyiin?
• 20. Di nyɛla litaafi shɛli bɛ ni sabi daba tuuntumsa di puuni.
• 21. Ka ban miri Naawuni diri di shɛhira.
• 22. Achiika! Ninvuɣu suma yɛn ti bela nyεɣisim puuni.
• 23. Ka bɛ do kuɣuwaɣila zuɣu nlihira.
• 24. Ka a ni baŋ neesim din nyε Naawuni yolsa bɛ nindɔhi puuni.
• 25. Ka bɛ nyuhiri ba da’ shɛŋa bɛ ni yo di binyɔrsi zuɣu.
• 26. Ka di lambu bahigu nyo almiski. Lala zuɣu, ban yεn kpaɣi taba (ni tuunviεla) kpaɣima.
• 27. Yaha! Ka bɛ gabi li ni Tasniim.
• 28. Di (Tasniimi maa) nyɛla kobilnin’ shɛli ban miri Naawuni ni nyuri li.
• 29. Achiika! Ninvuɣu shɛba ban tum bibɛlim maa daa nyɛla ban lari ninvuɣu shɛba ban ti Naawun yɛlimaŋli (Dunia puuni).
• 30. Yaha! Bɛ daa yi gari bɛ zuɣu, ka bɛ zuɣusiri bɛ noya.
• 31. Yaha! Bɛ daa yi ŋmalgi labi bɛ niriba sani, ka bɛ labi ka nyɛla ban wumdi nyεɣisim.
• 32. Yaha! Bɛ daa yi nya ba ka bɛ yɛli: “Achiika! Bambɔŋɔnim’ nyɛla ban bɔrgi.”
• 33. Bɛ mi bi tim ba na ni bɛ ti nyɛ ban guli ba.
• 34. Dinzuɣu zuŋɔ, ninvuɣu shɛba ban ti Naawuni yɛlimaŋli nyɛla ban lara chɛfurinima.
• 35. Ka nyɛla ban do kuɣuwaɣila zuɣu n-lihira.
• 36. Di ni bɔŋɔ, bɛ yo chɛfurinim’ bɛ ni daa tumdi shɛli samli?