Baa mini Kahiŋkɔɣu
Di daa yaa niŋ lala ka niŋ lala, ka bindirigu naai tiŋgbani yaaŋa zuɣu. Kum daa gbaai binkɔbiri. Kum daa gbaai Gbuɣiŋli. Kum daa gbaai noobibihi, kum daa gbaai zahima.
Kahiŋkɔɣu n-daa nyɛ ŋun mali fahim pam, ŋun yɛli, "Chɛli ya ka ti chaŋ bo bindirigu shee". Kahiŋkɔɣu daa niŋ saha. O daa nyala bɔrobɔro chee ka kpuɣi li yiɣi ti tam ti' waɣiŋli zuɣu. Baa gba daa yimi m-bɔri bindirigu shee. O daa nya Kahiŋkɔɣu ni gbubi bɔrobɔro chee.
Baa daa yɛliya, "Di tu ni n deei bɔrobɔro chee ŋɔ Kahiŋkɔɣu sani".
Baa ŋun yɛli, " A mali kukɔl' nyaɣisili, jaande yilimi yila ka n wum". Di saha ka Kahiŋkɔɣu nini tiɣi o maŋa, ka o suhu paligi ka o pili yila yilibu, kua! Kua! Kua!
Nini bɔbbu ni neebu, ka bɔrobɔro chee maa faai n-lu tiŋa, ka baa niŋ yom n-kpuɣi li guui.
Anfooni mali niŋ
