Alizama- Sayibu mini nolori goli

SAYIBU NI SO MIR' KA O YƐLI NI NOLƆRI GOLI YIYA

(Yuŋla saɣ'dihili nyaaŋa. Nachimba laɣim n-ʒi Yipiɛligu Kpanalan' yiŋ' samban'ni n-luhiri lahabali. Zanjina yi o yiŋ' m-paana n-ti puhi ka gba ʒini)

ZANJINA: Zuŋɔ ŋuna, Yisa n kpuɣi o niribi chaŋ maa. Goli maa zaniya pasi! Biɛɣuni, shɛb' san' nya dabaayi. Tinim' 'Shee mungani' ŋɔ mi dahin yini.

SAYIBU: (O sabisiya) To nyin' ni kuli be shɛm n-bala. Goli maa yɛltɔɣa kpa wula? Naawuni zuɣu, yi shɛb' mali maɣim pam goli ŋɔ maa shee. A ni kuli gbuɣi yɛltɔɣa maa m-bahina pɛti shɛm maa, di soli nye dini? Goli ŋɔ nirilim ni daadam nyɛ dini ka yinim' yi kuli dam biɛla, o yɛltɔɣa ka yi gbubi?

ZANJINA: Sayibu! ŋ-ŋɔ a ni yiɣi n-chibgi yɛltɔɣa maa shɛm maa, di niŋ kamaata? Nolɔri goli ŋɔ ŋuna, ti yi bɔra, o yina. Ti yi bi lahi bɔra, o yina. Dinzuɣu N-doo, kuli zaŋmi a suhi n-ti Naawuni ka ti zaŋ n-ga.

BABA: N-nabi Sayibu suɣulo naami maa. Ka che man' bɛ nya Zanjina ni yɛli shɛm maa taali ni nye shɛli.

SAYIBU: Baba! A jɛla yɛlmaŋli. A yi kuli ʒiya ni suhudoo, ka so ti kana n-ti garigi a kuli dingalangam, din niŋ a nyaɣisim?

(Sokam daai lari)

SUƔURI: Ka daa kuli ka Zanjina garigi a maa?

SAYIBU: Ka wula? Hali ŋɔ ŋun gari kuli garigibu gba. Tulim ŋɔ ni shiri diri ti shɛm ŋɔ, ka biɛɣu kuli neei hali ka yuŋ ti zibi, ka di pala kom bee bindirigu, ka yinim' kuli yuli li, ka di suhudoo paai ni yi ʒiya ka gbubi di daalizama. Man' yi di pun daŋ m-baŋ ŋ-ŋɔ, yi naan yaa kali pooi mani ʒii ŋɔ puuni.

BABA: Sayibu, a kpee n-daa gbabigi bi' zukɔɣili ni bozuɣu ka o yɛli ni nolɔri goli yiya maa.

SAYIBU: O daa poogi o nua. Tapaɣa tulli n daa simsi o. Bihi ŋɔ ban ni tumdi biɛrim shɛli nolɔri goli ŋɔ shee kala zaŋ buɣisi. Nolori goli suhudoo nyɛ dini ka o yina ka yi yɔhira? Konyuri chuɣu n-bala bee Chimsi? Di biɛrim zaa, bɛ kuli yɛn yɔhila lala n-yihi o na, ka gbaai lo dabaatata, ka che din kpalim maa n-ŋme ti nyɔɣu ni. Hali di yi di yɛn doli viɛnyɛla, banim' n di yɛn viɛhi bɛ kpee ŋmani?

(O daai sokam n-luhi lari ni)

ZANJINA: N poya! Sayibu yi di ka biɛhigu puuni, di naan ku nyaɣasa. Nakpaɣindan' zaa.

SAYIBU: Aayi! N je vuri. Yi bɔri ni yi chilim la mani n-lɛbi ninvuɣu biɛɣu. Man' ni yihi n-yɛli zuɣu, ŋuni n lee be biɛhigu puuni ka ʒi ni Nolɔri ka nirilim ni daadam kam? Man' ku yuli Naa nini ka vali kɔbli.

Kundivihira mali niŋ

Lahabaya zaa